بيىل وزبەكستان ۇكىمەتى 5,2 ميلليون ادامدى جۇمىسپەن قامتۋدى جوسپارلاپ وتىر
تاشكەنت. KAZINFORM - بيىل وزبەكستان ۇكىمەتى 5,2 ميلليون ادامعا جۇمىس ۇسىنىپ، كەدەيلىك شەگىندە ءومىر ءسۇرىپ جاتقان 1,5 ميلليون تۇرعىننىڭ جاعدايىن جاقسارتۋعا باعىتتالعان شارالاردى قابىلداماق، دەپ حابارلايدى Kazinform اگەنتتىگىنىڭ مەنشىكتى ءتىلشىسى.

بۇل تۋرالى ەل پرەزيدەنتى شاۆكات ميرزيەۆتىڭ توراعالىعىمەن وتكەن كەڭەستە ءمالىم بولدى.
وزبەكستان باسشىسىنىڭ باسپا ءسوز قىزمەتىنەن ءمالىم ەتكەندەي، ۇستىمىزدەگى جىلى 60 قالا مەن اۋداندا كەدەيلىكتى جويۋعا باعىتتالعان شارالار قابىلدانادى. اتاپ ايتقاندا، كاسىپكەرلەردىڭ كومەگىمەن 1,5 ميلليون وزبەكستاندىقتى تۇراقتى جۇمىسپەن قامتىپ، تاعى 2 ميلليون ادامدى بيزنەسكە تارتۋ جوسپارلانىپ وتىر. شاعىن بيزنەس جوبالارىن قولداۋ ماقساتىندا 120 تريلليون سۋم (شامامەن $9,2 ميلليارد) نەسيە ءبولۋ كوزدەلگەن.
120-دان استام اۋداندا تۇراتىن تابىسى تومەن ازاماتتارعا ورمان شارۋاشىلىعى سالاسىندا جۇمىس ۇسىنىلادى. وتىرعىزىلعان ءاربىر 100 اعاش ءۇشىن ولارعا 375 مىڭ سۋم (شامامەن $30) سۋبسيديا تولەنەدى.
ەسكە سالايىق، وزبەكستان بيلىگى ەلدەگى كەدەيلىك دەڭگەيىن %6- عا دەيىن تومەندەتۋگە نيەتتى.
بۇعان دەيىن حابارلاعانىمىزداي، وزبەكستاندا 500 ايەلدى اۆتوبۋس جۇرگىزۋشىسى ماماندىعىنا وقىتۋ جوسپارلانىپ وتىر.
بيىل وزبەكستان ەكسپورت كولەمىن 30 ميلليارد دوللاردان اسىرۋعا نيەتتى.
سونىمەن قاتار، كورشى ەل بيلىگى قوسىلعان قۇن سالىعىنىڭ مولشەرىن 2028 -جىلعا دەيىن كوتەرمەيدى.
اۆتور
ءاليحان اسقار