بيىل ەلىمىزدەگى قۇرىلىستىڭ 15 پايىزىن شەتەلدىك كومپانيالار سالعان

جىل باسىنان بەرى ەلىمىزدىڭ 18 وڭىرىندە قۇرىلىس جۇمىستارى قارقىن الدى. قاڭتار- تامىز ارالىعىندا 11320,1 مىڭ شارشى جاڭا نىسان قولدانىسقا بەرىلدى، دەپ حابارلايدى Kazinform.

Биыл еліміздегі құрылыстың 15 пайызын шетелдік компаниялар салған
Фото: Фото: Kazinform

«2023 -جىلعى قاڭتار- تامىزدا ورىندالعان قۇرىلىس جۇمىستارىنىڭ كولەمى % 11,4 ءوسىپ، 3521,8 ميلليارد تەڭگە بولدى. رەسپۋبليكا بويىنشا قۇرىلىس جۇمىستارىنىڭ جالپى كولەمىنەن جەكە قۇرىلىس ۇيىمدارىمەن - % 85,4، شەتەلدىك -% 14,4، مەملەكەتتىك % 0,2 ورىندالدى»، - دەلىنگەن ۇلتتىق ستاتيستيكا بيۋروسىنىڭ اقپاراتىندا.

بەلگىلى بولعانداي، قازاقستاننىڭ 18 وڭىرىندە قۇرىلىس قارقىنى ۇدەي تۇسكەن. ەداۋىر ءوسىم جەتىسۋ (%66,8)، باتىس قازاقستان (49,4)، قىزىلوردا (45,4)، اباي (37,2)، جامبىل (24,8)، ماڭعىستاۋ (24,6)، اقتوبە (24,2)، سولتۇستىك قازاقستان (14,9)، پاۆلودار (14,3)، قوستاناي (12) جانە اقمولا وبلىستارىندا (11,6) تىركەلدى.

ۇلتتىق ستاتيستيكا بيۋروسى ۇسىنعان دەرەكتەرگە ساي، جىل باسىنان بەرى ەل بويىنشا 11320,1 مىڭ شارشى مەتر اۋماقتى قامتىعان جاڭا وبەكتىلەر پايدالانۋعا بەرىلدى.

«پايدالانۋعا بەرىلگەن تۇرعىن ۇيلەردىڭ جالپى الاڭى 2022 -جىلعى قاڭتار- شىلدەمەن سالىستىرعاندا % 11,7 ۇلعايىپ، 8551,6 مىڭ شارشى مەتر بولعان. ولاردىڭ 5030,2 مىڭ شارشى مەترى كوپ پاتەرلى جانە 3480,4 مىڭ شارشى مەترى جەكە ۇيلەر. تۇرعىن ۇيلەردىڭ ەداۋىر بولىگىن - 7995,4 مىڭ شارشى مەتردى نەمەسە % 93,5- ىن جەكە قۇرىلىس سالۋشىلار سالعان»، - دەلىنگەن ۇسب مالىمەتىندە.

بيىل 17189 وقۋشىعا ارنالعان 33 جالپى ءبىلىم بەرەتىن مەكتەپ، 1458 ورىنعا شاقتالعان 19 بالاباقشا، 150 توسەك- ورىنعا ەسەپتەلگەن 1 اۋرۋحانا جانە 1206 ناۋقاستى قابىلداۋعا قاۋقارلى 13 ەمحانا پايدالانۋعا بەرىلدى.

قوسا كەتسەك، بۇعان دەيىن ونەركاسىپ جانە قۇرىلىس ءمينيسترى قانات شارلاپايەۆ زاڭسىز قۇرىلىسقا قاشان توقتاۋ سالىناتىنىن ايتقان ەدى.

وعان قوسا، سەناتور اندرەي لۋكين ۇكىمەت باسشىسى ءاليحان سمايىلوۆتىڭ اتىنا دەپۋتاتتىق ساۋال جولداپ، الەۋمەتتىك نىسانداردىڭ قۇرىلىس جوسپارىنان زاڭسىز الىنىپ جاتقانىن ءمالىم ەتتى.

اۆتور

ءاليحان اسقار

سوڭعى جاڭالىقتار