بيىل ەلىمىزدە 100 بازار جاڭارتىلادى

استانا. KAZINFORM - قازاقستاندا بازارلاردى جاڭعىرتۋ جۇمىسى باستالدى. بۇل تۋرالى ساۋدا جانە ينتەگراتسيا مينيسترلىگى ساۋدا كوميتەتىنىڭ ءتوراعاسى ايدار ابىلدابەكوۆ ءمالىم ەتتى.

- 2025 -جىلعا 100 بازاردى جاڭعىرتۋ جوسپارلانىپ وتىر. جول كارتاسىنا سايكەس بازارلاردى جاڭعىرتۋ بويىنشا قۇرىلىس جۇمىستارى ءجۇرىپ جاتىر، ياعني ەسكيزدىك جوبالار مەن جوبالاۋ-سمەتالىق قۇجاتتار ازىرلەنىپ جاتىر. قاجەتتى قۇجاتتار كەلىسىلىپ، بەكىتىلۋدە، ءتوپ تۇسىرىلىم جۇرگىزىلىپ جاتىر، سونداي-اق اۋماقتاردى قورشاۋ، قويما ءۇي-جايلارىن بۇزۋ جانە تاعى باسقا جۇمىستار ىستەلىپ جاتىر. ساۋدا بازارلارىنىڭ جاي-كۇيىن باعالاۋ ءۇشىن مينيسترلىك وكىلدەرى اقپان، ناۋرىز جانە ءساۋىر ايىندا بازارلاردى ارالايدى. ساپار بارىسىندا بارلىق ءوڭىردىڭ بازارلارىنا ەگجەي- تەگجەي تۇگەندەۋ جۇمىسى جۇرگىزىلەدى، - دەدى ايدار ابىلدابەكوۆ ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.

ونىڭ ايتۋىنشا، بازارلاردى جاڭعىرتۋ جۇمىستارى جەرگىلىكتى اكىمدىكتەرمەن، مەملەكەتتىك كىرىستەر كوميتەتى، توتەنشە جاعدايلار قىزمەتى، مەملەكەتتىك ساۋلەت- قۇرىلىس باقىلاۋ باسقارماسى جانە سانەپيدەميولوگيالىق قىزمەت وكىلدەرىمەن بىرلەسىپ جۇرگىزىلەدى.

جاڭعىرتۋعا جاتاتىن بازارلار:

استانا قالاسى - 7 بازار؛

الماتى قالاسى - 10 بازار؛

اباي وبلىسى - 3 بازار؛

اقمولا وبلىسى - 1 بازار؛

اقتوبە وبلىسى - 2 بازار؛

الماتى وبلىسى - 11 بازار؛

اتىراۋ وبلىسى - 4 بازار؛

ش ق و - 3 بازار؛

جامبىل وبلىسى - 3 بازار؛

جەتىسۋ وبلىسى - 6 بازار؛

ب ق و - 14 بازار؛

قاراعاندى وبلىسى - 5 بازار؛

قوستاناي وبلىسى - 4 بازار؛

قىزىلوردا وبلىسى - 4 بازار؛

ماڭعىستاۋ وبلىسى - 5 بازار؛

پاۆلودار وبلىسى - 8 بازار؛

تۇركىستان وبلىسى - 8 بازار؛

ۇلىتاۋ وبلىسى - 2 بازار.

جىل باسىندا ەلىمىزدە بازارلار مەن دۇكەندەر قىزمەتى سيفرلاندىرىلاتىنى تۋرالى حابارلاعان ەدىك.

اۆتور

داۋلەت ىزتىلەۋ