بيىل كوپ بالالى وتباسىلار نەشە تەڭگە جاردەماقى الدى

ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتىنشە، جىل باسىنان بەرى كوپبالالى وتباسىلار 376,6 ميلليارد تەڭگەگە جاردەماقى الدى، دەپ حابارلايدى Kazinform.

«جىل باسىنان بەرى كوپبالالى وتباسىلارعا بەرىلەتىن مەملەكەتتىك جاردەماقىمەن ورتا ەسەپپەن 540,8 مىڭ وتباسى جالپى سوماسى 376,6 ميلليارد تەڭگە مولشەرىندە قامتىلدى، ونىڭ ىشىندە قاراشا ايىندا 557,3 مىڭ وتباسىنا 37,2 ميلليارد تەڭگە مولشەرىندە جاردەماقى تولەندى.

بۇل مەملەكەتتىك جاردەماقىعا 4 جانە ودان دا كوپ بىرگە تۇراتىن كامەلەتكە تولماعان نەمەسە 23 جاسقا دەيىنگى كۇندىزگى بولىمدە وقيتىن ستۋدەنت بالالارى بار وتباسىلار تابىسىنا قاراماستان ۇمىتكەر بولا الادى«، - دەپ جازدى مينيسترلىكتەن.

تولەم مولشەرى بالا سانىنا قاراي ەسەپتەلىپ تولەنەدى. كوپبالالى وتباسىلارىنداعى:

4 بالاسى بار وتباسىلارعا - 16,03 ا ە ك نەمەسە 55304 تەڭگە؛

5 بالاعا - 20,04 ا ە ك نەمەسە 69-138 مىڭ تەڭگە؛

6 بالاعا - 24,05 ا ە ك نەمەسە 82-173 مىڭ تەڭگە؛

- 7 بالاعا - 28,06 ا ە ك نەمەسە 96807 تەڭگە؛
8 جانە ودان دا كوپ بالاسى بار وتباسىلارعا - ءار بالاعا 4 ا ە ك نەمەسە 13800 تەڭگە مولشەرىندە.
ەسكە سالايىق، كوپبالالى وتباسىلارعا ولاردىڭ تابىسىن ەسەپكە الماي بەرىلەتىن مەملەكەتتىك جاردەماقى قازاقستاندا 2020 -جىلدىڭ 1-قاڭتارىنان باستاپ اتاۋلى الەۋمەتتىك كومەك كورسەتۋدىڭ جاڭا تەتىكتەرىندە كوزدەلگەن تابىسى از جانە كوپبالالى وتباسىلاردى قولداۋدىڭ ءۇش نەگىزگى باعىتى اياسىندا ەنگىزىلگەن.
2023 --جىلعى 1-قاڭتاردان باستاپ بالالى وتباسىلارعا تاعايىندالاتىن مەملەكەتتىك جاردەماقىلاردىڭ مولشەرى %8,5- عا ارتقانىن اتاپ وتەمىز.
اۆتور
اسحات رايقۇل