بىرەۋى ماسكەۋدە ۇستالدى: استانادا قۇرىلىس كومپانيالارىنىڭ باسشىلارى تەرگەلىپ جاتىر

Астанада жосықсыз құрылыс салғандарға қатысты қылмыстық іс тергеліп жатыр
Фото: Kazinform

قىلمىستىق قۋدالاۋ ورگانى 10 كوپ پاتەرلى تۇرعىن ءۇي كەشەنى بويىنشا جوسىقسىز قۇرىلىس سالۋشىلارعا قاتىستى 7 قىلمىستىق ءىستى تەرگەپ جاتىر، دەپ حابارلايدى Kazinform.

استانا قالاسى پروكۋراتۋراسى قىلمىستىق ىستەردى تەرگەۋ بارىسى باقىلاۋعا الىنعانىن مالىمدەدى.

تەرگەۋ ورگانى ىسكە قاتىسى بار بارلىق ادامدى جانە ولاردىڭ مۇلكىن انىقتاۋعا باعىتتالعان.

7 ادامعا، سونىڭ ىشىندە قۇرىلىس كومپانيالارىنىڭ 3 باسشىسىنا قاماۋعا الۋ تۇرىندەگى بۇلتارتپاۋ شاراسى قولدانىلدى.

رەسەي فەدەراتسياسىنىڭ قۇقىق قورعاۋ ورگاندارىنىڭ كومەگىمەن ءىس بويىنشا نەگىزگى فيگۋرانتتاردىڭ ءبىرى ماسكەۋ قالاسىنىڭ اۋماعىندا ۇستالدى.

ول 5 ميلليارد تەڭگەدەن اساتىن زالال كەلتىرگەنى ءۇشىن كۇدىككە ءىلىندى.

بۇگىنگى تاڭدا رەسەي فەدەراتسياسىنىڭ باس پروكۋراتۋراسى ازاماتتىق، وتباسىلىق جانە قىلمىستىق ىستەر بويىنشا قۇقىقتىق كومەك جانە قۇقىقتىق قاتىناستار تۋرالى كونۆەنتسيا نەگىزىندە كۇدىكتىنى ۇستاپ بەرۋ تۋرالى ءوتىنىشتى قاناعاتتاندىردى.

اۆتور

ەلميرا ورالبايەۆا

سوڭعى جاڭالىقتار