«بۇيراتاۋ» ۇلتتىق پاركىندە قابان مەن ەلىكتەر فوتوتۇزاققا ءتۇستى
استانا. KAZINFORM - «بۇيراتاۋ» مەملەكەتتىك ۇلتتىق تابيعي پاركىنىڭ اۋماعىندا ورناتىلعان ەكى فوتوتۇزاققا ەكى كۇن قاتارىنان جابايى تابيعاتتىڭ ەرەكشە ساتتەرى تىركەلدى.
العاشقى كادرلاردا جابايى شوشقا (قابان) تورايلارىمەن بىرگە كورىنسە، كەلەسى فوتوتۇزاققا ەلىكتەر ءتۇستى.
بۇل - ۇلتتىق پارك اۋماعىنداعى جانۋارلار دۇنيەسىنىڭ الۋان ءتۇرلى ەكەنىن جانە تابيعي ورتانىڭ ءوز ىرعاعىمەن تىرشىلىك ەتىپ جاتقانىن كورسەتەتىن اسەرلى كورىنىس.
ءبىر اۋماقتا، ەكى كۇن ىشىندە، ەكى ءتۇرلى فوتوتۇزاققا تۇسكەن مۇنداي كادرلار جابايى تابيعاتتىڭ ءار ءساتى توسىن ءارى قىزىققا تولى ەكەنىن تاعى ءبىر دالەلدەيدى.
تابيعاتتى باقىلاۋ - ونى تەرەڭىرەك تانۋدىڭ ءبىر جولى. ال فوتوتۇزاقتار سول قۇپيا تىرشىلىكتەن سىر شەرتەتىن ءۇنسىز كۋاگەر ىسپەتتى.
