بۇگىن سولتۇستىكتە نوسەر جاڭبىر جاۋادى، 9 وڭىردە - اپتاپ ىستىق
استانا. KAZINFORM - قازگيدرومەت سينوپتيكتەرى 17-ماۋسىم، دۇيسەنبىگە ارنالعان اۋا رايى بولجامىن جاريالادى.

قازاقستان تەرريتورياسىنىڭ باسىم بولىگى ءالى دە اتموسفەرالىق فرونتتاردىڭ ىقپالىندا بولادى.
سوندىقتان نايزاعاي جارقىلداپ، جاڭبىر جاۋادى، بۇرشاق، داۋىل سوعادى.
ەلىمىزدىڭ سولتۇستىگىندە - نوسەر جاڭبىرمەن قوسا بۇرشاق جاۋادى، قاتتى جەل تۇرادى.
تەك ەلىمىزدىڭ وڭتۇستىك- باتىسىندا، وڭتۇستىگىندە جاۋىن- شاشىن جاۋمايدى. رەسپۋبليكا بويىنشا جەل كۇشەيەدى.
كۇندىز باتىس قازاقستان، اتىراۋ، اقتوبە، ماڭعىستاۋ، قىزىلوردا، قوستاناي وبلىستارىندا، ۇلىتاۋ مەن اتىراۋ وبلىسىنىڭ وڭتۇستىگىندە، اقتوبە وبلىسىنىڭ باتىسىندا اپتاپ ىستىق ساقتالادى.
ۇلىتاۋ، جامبىل، الماتى، باتىس قازاقستان، اقتوبە، ماڭعىستاۋ، اقمولا، جەتىسۋ، اباي، قاراعاندى، قوستاناي، شىعىس قازاقستان، قىزىلوردا وبلىستارىندا جوعارى ءورت ءقاۋپى بار.
اتىراۋ، ماڭعىستاۋ، تۇركىستان، قىزىلوردا وبلىستارىندا، باتىس قازاقستان وبلىسىنىڭ باتىسىندا، اقتوبە وبلىسىنىڭ باتىسىندا، وڭتۇستىگىندە، جامبىل وبلىسىنىڭ باتىسىندا، شىعىسىندا، وڭتۇستىگىندە، الماتى وبلىسىنىڭ ورتالىعىندا، قوستاناي، قاراعاندى وبلىستارىنىڭ وڭتۇستىگىندە، جەتىسۋ وبلىسىنىڭ شىعىسىندا، اباي وبلىسىنىڭ وڭتۇستىگىندە، ۇلىتاۋ وبلىسىنىڭ ورتالىعىندا توتەنشە ءورت قاۋپى ساقتالادى.