بۇگىن 4 جاڭا مينيستر انت قابىلدادى
استانا. KAZINFORM - ۇكىمەت وتىرىسىندا پرەمەر-مينيستر ورىنباسارى - ۇلتتىق ەكونوميكا ءمينيسترى نۇرلان بايبازاروۆ، قارجى ءمينيسترى ءمادي تاكيەۆ، توتەنشە جاعدايلار ءمينيسترى شىڭعىس ءارىنوۆ جانە دەنساۋلىق ساقتاۋ ءمينيسترى اقمارال ءالنازاروۆا ارىپتەستەرىنىڭ الدىندا انت بەردى.
«قازاقستان حالقى مەن پرەزيدەنتى الدىندا ءوز وتانىم - قازاقستاننىڭ ەكونوميكالىق جانە رۋحاني دامۋ ىسىنە بارلىق كۇش-جىگەرىم مەن ءبىلىمىمدى جۇمساۋعا، مەملەكەتتىڭ كونستيتۋتسياسى مەن زاڭدارىن قاتاڭ ساقتاۋعا، ءوزىمنىڭ بارلىق ءىس ارەكەتىمدە زاڭدىلىق پەن ادىلەتتىلىك، ازاماتتىق، ۇلتارالىق جانە كونفەسسياارالىق تاتۋلىق پرينتسيپتەرىن ۇستانۋعا، قازاقستان حالقىنا ادال قىزمەت ەتۋگە، ءوز ەلىمنىڭ مەملەكەتتىلىگى مەن دۇنيەجۇزىلىك قوعامداستىقتاعى بەدەلىن نىعايتا بەرۋگە سالتاناتتى تۇردە انت ەتەمىن»، - دەلىنگەن انت ماتىنىندە.
ەسكە سالايىق قايتا جاساقتالعان ۇكىمەتتىڭ قۇرامىندا 4 جاڭا ەسىم بار.
اۆتور
ەسىمجان ناقتىباي
