بىلتىر قازاقستاندا 390 مىڭ ءسابي دۇنيەگە كەلدى

بىلتىر بوساندىرۋ قىزمەتىنىڭ ماماندارى 388 مىڭ بوسانۋدى ءساتتى قابىلدادى، 390 مىڭ ءسابي دۇنيەگە كەلدى، دەپ حابارلايدى Kazinform.

دەنساۋلىق ساقتاۋ مينيسترلىگىنىڭ مالىمەتىنشە، وتكەن جىلى 400 مىڭعا جۋىق ايەل جۇكتىلىگى بويىنشا مەديتسينا قىزمەتكەرلەرىنىڭ باقىلاۋىندا بولدى. بۇل جاعدايدا دارىگەرلەر اۋىر اكۋشەرلىك جانە سوماتيكالىق اسقىنۋلارعا بايلانىستى وتە اۋىر جاعدايداعى 1000-نان استام جۇكتى ايەلدى قۇتقارىپ قالدى.

«مەديتسينالىق اۆياتسيا جەلىسى بويىنشا 200 ۇشۋ ورىندالدى، 21 ايەلگە جەرگىلىكتى جەردە وپەراتسيا جاسالدى، 190 ايەل اۋىر جاعدايدا وبلىستىق، رەسپۋبليكالىق كلينيكالارعا تاسىمالداندى جانە قۇتقارىلدى.

تاۋەلسىز قازاقستاننىڭ بۇكىل تاريحىندا العاش رەت انا ءولىمى كورسەتكىشىنىڭ % 32- عا تومەندەۋىنە قول جەتكىزدىك»، - دەپ جازدى ۆەدومستۆودان.

وتكەن جىلى بوساندىرۋ بويىنشا دياگنوستيكا مەن ەمدەۋدىڭ 18 باسىم كلينيكالىق حاتتاماسى بەكىتىلدى؛ بوساندىرۋ قىزمەتىنىڭ 2000-نان استام دارىگەرى جانە 3000 و م ق، 64 دارىگەر ىستامبۇلدا، 50 دارىگەر سانكت- پەتەربۋرگتە وقىتىلدى.

«مەملەكەت باسشىسىنىڭ تاپسىرماسىن ورىنداۋ جانە «اڭساعان ءسابي» باعدارلاماسىن ىسكە اسىرۋ شەڭبەرىندە 2021 -جىلدان باستاپ 21000 ايەلگە ە ك ۇ وتكىزىلدى، ناتيجەسىندە 8000-نان استام ايەل جۇكتى بولىپ، 6000-نان استام كوپتەن كۇتكەن بالا تۋدى»، - دەلىنگەن دەرەكتە.

اۆتور

اسحات رايقۇل