بەيجىڭدە قازاقستان-قىتاي ىنتىماقتاستىعىنىڭ كەلەشەگى تالقىلاندى

قازاقستان رەسپۋبليكاسىنىڭ ق ح ر- داعى ەلشىلىگىندە «قازاقستان رەفورمالارى جانە قازاقستان-قىتاي ىنتىماقتاستىعىنىڭ كەلەشەگى» تاقىرىبىندا دوڭگەلەك ۇستەل ءوتتى، دەپ حابارلايدى Kazinform اگەنتتىگى.

قازاقستان رەسپۋبليكاسىنىڭ ق ح ر- داعى ەلشىسى شاحرات نۇرىشيەۆ ءوز سوزىندە قازاقستاننىڭ ونەركاسىپ سەكتورىن، ترانزيتتىك-كولىكتىك سەكتورىن، اۋىل شارۋاشىلىعىن، ەنەرگەتيكا مەن سۋ شارۋاشىلىعىن دامىتۋعا قاتىستى جاڭا ەكونوميكالىق باعىتتىڭ نەگىزگى ەرەجەلەرىن اتاپ ءوتتى. سونداي- اق ول «دوڭگەلەك ۇستەل» قاتىسۋشىلارىن ەلدىڭ الەۋمەتتىك- ەكونوميكالىق دامۋىمەن تانىستىردى.

ش. نۇرىشيەۆ 2023 -جىلعى قازاقستان- قىتاي ىنتىماقتاستىعىنىڭ قورىتىندىسىن شىعارا وتىرىپ، قىتاي قازاقستاننىڭ ءىرى سىرتقى ساۋدا جانە ينۆەستيتسيالىق سەرىكتەستەرىنىڭ ءبىرى بولىپ قالا بەرەتىنىن اتاپ ءوتتى. بيىلعى جىلى قازاقستان مەن قىتاي اراسىنداعى تاۋار اينالىمىنىڭ ۇلعايۋى جانە جۇك تاسىمالى كولەمىنىڭ ارتۋى بايقالدى.

ول ەكىجاقتى مادەني-گۋمانيتارلىق بايلانىستاردى ودان ءارى دامىتۋدىڭ كەڭ كەلەشەگى بار ەكەنىن ايتتى. 2024-جىل قىتايدا قازاقستاننىڭ تۋريزم جىلى بولىپ جاريالاندى.

«كەلەسى جىلى ءبىز ەلىمىزدىڭ باي تۋريستىك الەۋەتىن تانىستىرۋ ماقساتىندا 20-دان استام ءتۇرلى ءىس-شارا وتكىزۋدى جوسپارلاپ وتىرمىز»، - دەپ اتاپ ءوتتى ەلشى.

دوڭگەلەك ۇستەل بارىسىندا قاتىسۋشىلار ەلىمىزدىڭ جاڭا ەكونوميكالىق ساياساتىنىڭ ناتيجەلەرىن تالقىلاپ، سونداي- اق قازاقستان- قىتاي ىنتىماقتاستىعىنىڭ كەڭ پەرسپەكتيۆالارىن اتاپ ءوتتى.

ءىس- شاراعا ق ح ر مەملەكەتتىك كەڭەسى دامۋ ورتالىعىنىڭ ەۋروپا مەن ازيانىڭ الەۋمەتتىك دامۋ ينستيتۋتىنىڭ، قىتاي حالىقارالىق ماسەلەلەر اكادەمياسى ەۋرازيا ينستيتۋتىنىڭ، قىتاي قوعامدىق عىلىم اكادەميسىنىڭ شىعىس ەۋروپا جانە ورتالىق ازيا ەلدەرىنىڭ ورتالىق ازيا بولىمشەسىنىڭ، سونداي- اق قىتايدىڭ قوعامدىق جانە ءبىلىم بەرۋ قۇرىلىمدارىنىڭ وكىلدەرى قاتىستى.

اۆتور

زارينا تۋعانبايەۆا