بەيجىڭ جازبالارى. قىتايدا «قوشقار ءمۇيىز» قايدان ءجۇر؟

قىتاي استاناسى بەيجىڭ قالاسىنا جولىمىز تۇسكەن ءبىر ساپاردا قىتاي مادەنيەتىنىڭ بىزگە بەيمالىم تۇستارى جايلى جازۋعا تىرىستىق.

بەيجىڭ
Фото: https://24.kz/

مين اۋلەتى يمپەراتور سارايىن («جابىق قالا» ) سالۋ ارقىلى ءوزىن سىرتقى جاۋ مەن ىشكى قاۋىپتەن قورعاپ قانا قويعان جوق. 6 عاسىر بويى ساقتالعان وسى ءبىر عاجايىپ كەشەن ارقىلى عىلىمىن ودان ءارى دامىتىپ، سان عاسىرلىق مادەنيەتىن، تاريحىن ساقتاپ قالدى. وسى سارايدا نەبىر كەلىسسوزدەر ءجۇردى. ساۋدانى دا قىزدىردى.

ۇلى جىبەك جولىنىڭ باستاۋىندا تۇرعان بۇل ەل - ءبىر عانا وسى گۋگۋڭ مۋزەيى ارقىلى ەجەلگى مادەنيەتتىڭ پۇشپاقتارىن وسى زامانعا جەتكىزىپ وتىر. «جابىق قالاداعى» ءار قاقپانىڭ اراسىنداعى جول ءمارماردان توسەلگەن. بۇل تاستاردى زامانىندا ەلدىڭ وڭتۇستىگىنەن جەتكىزگەن دەيدى. ال عيماراتتاردى اعاشتان قيىپ سالعان.

سول عيماراتتارعا كوتەرىلەتىن باسپالداقتار دا، ونىڭ قاپتالدارى دا، ەسكەرتكىشتەر، مەرەكەدە وت جاعىپ، ءتۇتىن شىعاراتىن «ساماۋىرلار» تۇرعان تۇعىرلار دا ءمارماردان قاشالعان. ويۋلاپ، ورنەكتەپ، ءورىپ تاستاعان. ەڭ قىزىعى ونداعى ويۋلاردىڭ ءبىرسىپىراسى - قازاقتىڭ كادىمگى قوشقار ءمۇيىز ويۋى. ال «قوشقار ءمۇيىزدىڭ» تاريحى ءبىزدى ەرتە داۋىرگە جەتەلەيدى. ول ب. ز. د. التايدان تابىلعان. ەكى ەلدىڭ ورتاسىن كەڭەس وكىمەتى شورت كەستى دەمەسەڭىز، ءبىر زاماندا قىتاي قازاقپەن قويان- قولتىق ارالاسقانىن بايقايسىز. ەجەلگى گرەك، بىزدەگى قوجااحمەت ياسساۋي كەسەنەسىندە كوپ كەزدەسەتىن سۆاستيكا دا وسىندا قولدانىلعان. تاريحقا جۇگىنسەك ياسساۋي كەسەنەسىنىڭ قۇرىلىسى اياقتالعاندا، بۇل جاقتا «جابىق قالا» سالىنا باستاعان. بۇل بىزدىڭشە ءامىر تەمىر قۇبىلاعا بەت بۇرعان مەزگىل.

بەي
Фото:https://24.kz/

 

ارمان امەن، «حابار-24» ارناسىنىڭ رەداكتورى (جالعاسى بار)

www.24.kz

سوڭعى جاڭالىقتار