بيشىمبايەۆ سوتى: س. نۇكەنوۆانىڭ اعاسى مارقۇمنىڭ بەتى كوگەرگەن سۋرەتىن كورسەتتى

Бишімбаев
Фото: Видеодан алынған кадр

استانا. KAZINFORM - ەكس- مينيستر قۋاندىق بيشىمبايەۆتىڭ بۇگىنگى سوتى وتىرىسىندا مارقۇم سالتانات نۇكەنوۆانىڭ اعاسى ايتبەك امانگەلدى كۋاگەر رەتىندە جاۋاپ بەرىپ جاتىر.

ايتبەك امانگەلدى سوت كەزىندە قۋاندىق بيشىمبايەۆ پەن سالتانات نۇكەنوۆانىڭ اراسىنداعى العاشقى ۇرىس-كەرىستەر قالاي باستالعانى تۋرالى مالىمەتتەر ايتا كەلىپ، مارقۇمنىڭ بەت-الپەتى كوگەرگەن سۋرەت كورسەتتى.

جابىرلەنۋشى تاراپ بۇل سۋرەت بيشىمبايەۆتىڭ نۇكەنوۆانى ساباعانىنا دالەل بولادى دەپ ەسەپتەيتىنىن دە جەتكىزدى.

ايتبەك امانگەلدى وسى سۋرەتتى كورگەننەن كەيىن بيشىمبايەۆپەن توبەلەسىپ قالعانىن ايتتى. ول وسى جاعدايدان كەيىن س. نۇكەنوۆانى الىپ كەتپەك بولعانىمەن، مارقۇم كەتۋدەن باس تارتقانىن اتاپ ءوتتى.

ەسكە سالساق، 2023 -جىلى 9-قاراشادا استاناداعى «Bau» مەيرامحاناسىندا بۇرىنعى ۇلتتىق ەكونوميكا ءمينيسترى قۋاندىق بيشىمبايەۆ ءوزىنىڭ جۇبايىن سوققىعا جىقتى. ايەل جەدەل جاردەم جەتكەنشە كوز جۇمدى. مۇنان سوڭ ىشكى ىستەر مينيسترلىگى قۋاندىق بيشىمبايەۆتىڭ ۇستالعانىن راستادى.

وتكەن جىلى 15-قاراشادا وتكەن كەڭەستە مەملەكەت باسشىسى قاسىم- جومارت توقايەۆ ىشكى ىستەر مينيسترىنە ق. بيشىمبايەۆتىڭ ءىسىن ەرەكشە باقىلاۋعا الۋدى تاپسىردى.

27-ناۋرىزدا ەلوردانىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا ق. بيشىمبايەۆتىڭ ءىسى بويىنشا القابيلەردى ىرىكتەۋ ءوتتى.

اۆتور

اسحات رايقۇل

سوڭعى جاڭالىقتار