بىشكەكتەگى الا-توو الاڭىندا قىرعىزستاننىڭ جاڭا تۋى كوتەرىلدى

بىشكەكتىڭ باس الاڭىندا سالتاناتتى جاعدايدا بۇعان دەيىن جوگوركۋ كەنەش قابىلداعان ەلدىڭ جاڭارتىلعان مەملەكەتتىك تۋىن كوتەرۋ ءراسىمى ءوتتى، دەپ حابارلايدى Kazinform اگەنتتىگىنىڭ مەنشىكتى ءتىلشىسى.

ءىس-شاراعا قىرعىز رەسپۋبليكاسى مينيسترلەر كابينەتىنىڭ ءتوراعاسى اقىلبەك جاپاروۆ، مەملەكەتتىك حاتشى سۋيۋنبەك قاسمامبەتوۆ جانە باسقا دا مەملەكەتتىك قىزمەتكەرلەر قاتىستى.

ەسكە سالا كەتسەك، 2023 -جىلعى 20-جەلتوقساندا قىرعىزستان پارلامەنتىنىڭ دەپۋتاتتارى «قىرعىز رەسپۋبليكاسىنىڭ مەملەكەتتىك رامىزدەرى تۋرالى» قىرعىز رەسپۋبليكاسىنىڭ زاڭىنا وزگەرىستەر ەنگىزۋ تۋرالى» زاڭ جوباسىن ەكىنشى جانە ءۇشىنشى وقىلىمدا تالقىلاۋسىز قابىلداعان بولاتىن. 22-جەلتوقساندا قىرعىز رەسپۋبليكاسىنىڭ پرەزيدەنتى سادىر جاپاروۆ مەملەكەتتىك تۋدى وزگەرتۋ تۋرالى زاڭعا قول قويدى. ول 26-جەلتوقساندا كۇشىنە ەندى.

2024 -جىلدىڭ 1-قاڭتارىندا تاڭەرتەڭ ەلدىڭ جاڭا، ديزاينى باسقا مەملەكەتتىك تۋى كوتەرىلدى. بۇل الەۋمەتتىك جەلى قولدانۋشىلارى اراسىندا بەلسەندى تالقىلاندى.

اۆتور

زارينا تۋعانبايەۆا