بىشكەكتە ارنايى وپەراتسيا كەزىندە اتىشۋلى قىلمىستىق اۆتوريتەت قامشى كولبايەۆ قازا تاپتى

قىرعىزستاندا اتىشۋلى قىلمىستىق اۆتوريتەت قامشى كولبايەۆتى (قامشىبەك اسانبەك) ۇستاۋعا باعىتتالعان ارنايى وپەراتسيا اياقتالدى. ونىڭ بارىسىندا قازا تاپقانداردىڭ ءمايىتى ءمايىتحاناعا جەتكىزىلدى، دەپ حابارلايدى قازاقپارات 24.kg رەسۋرسىنا سىلتەمە جاساپ.

Қирғизистон
Фото: Фото: Kabar

بىشكەكتەگى رەسپۋبليكالىق پاتولوگواناتوميا بيۋروسى عيماراتىنا جەدەل جاردەم كولىگى كىردى.

ولار ارنايى وپەراتسيا كەزىندە قازا تاپقان قامشى كولبايەۆتىڭ دەنەسىن اكەلگەنى حابارلاندى.

полиция
Фото: 24.kg

 

كەيىن ءمايىتحانا اۋماعىنا تاعى ءبىر جەدەل جاردەم كولىگى كىردى. كىم اكەلىنگەنى تۋرالى مالىمەت جوق.

ايتا كەتەيىك، بۇعان دەيىن بۇل اۋماقتى پوليتسيا قورشاۋعا العان بولاتىن.

عيماراتتان بوگدە ادامداردىڭ ءبارى شىعارىلدى. وقيعا ورنىندا قۇقىق قورعاۋ ورگاندارى مەن بارلاۋ قىزمەتكەرلەرى ءجۇر.

ەستەرىڭىزگە سالا كەتەيىك، كەشە قىلمىستىق توپتىڭ باسشىسىن ۇستاۋ بويىنشا ارنايى وپەراتسيا جۇرگىزىلگەن بولاتىن.

اتىس كەزىندە قامشى كولبايەۆ قارسىلىق كورسەتىپ، ۇ ق ك ارنايى جاساعىنىڭ كۇشىمەن كوزى جويىلدى.

بۇعان دەيىن ب ا ق- تا يبرايموۆ پەن قۇلاتوۆ كوشەلەرىنىڭ قيىلىسى ايماعىندا Blonder Pub مەكەمەسىنىڭ جانىندا (كولەڭكەلى قوجايىنى قامشى كولبايەۆ دەلىنەدى) اتىس دىبىستارى ەستىلىپ، ارنايى وپەراتسيا ءجۇرىپ جاتقانى تۋرالى اقپارات تاراعان بولاتىن.

وقيعا ورنىندا ارنايى جاساق ساربازدارى بوي كورسەتكەن.

اۆتور

جانات قاپالبايەۆا

سوڭعى جاڭالىقتار