بيۋدجەتكە ءبولۋ ءۇشىن ۇلتتىق قوردان 600 ميلليون دوللار ۆاليۋتا ساتىلادى
استانا. KAZINFORM - ۇلتتىق بانك شىلدە ايىنىڭ قورىتىندىسى بويىنشا، 1 دوللارعا شاققانداعى تەڭگە باعامى 474,15 تەڭگەگە دەيىن % 0,5- عا السىرەگەنىن حابارلادى.
قازاقستان قور بيرجاسىنداعى ساۋدا-ساتتىقتىڭ ورتاشا كۇندىك كولەمى ءبىر ايدا 183 ميلليون ا ق ش دوللارىنان 170 ميلليون ا ق ش دوللارىنا دەيىن تومەندەدى. ساۋدا-ساتتىقتىڭ جالپى كولەمى 3,7 ميلليارد ا ق ش دوللارىن قۇرادى.
ۇلتتىق قوردان رەسپۋبليكالىق بيۋدجەتكە ترانسفەرتتەردى قامتاماسىز ەتۋ ءۇشىن شىلدە ايىندا 506 ميلليون ا ق ش دوللارىنا ۆاليۋتا ساتىلدى.
ۇلتتىق قوردان ساتۋ ۇلەسى جالپى ساۋدا-ساتتىق كولەمىنىڭ %14- ىن جانە كۇنىنە 23 ميلليون ا ق ش دوللارىنان اسپايتىن مولشەردى قۇرادى.
ۇلتتىق بانك ۇلتتىق قوردىڭ قاراجاتىمەن وپەراتسيا جۇرگىزۋ كەزىندە نارىقتىق بەيتاراپتىق قاعيداتىن ساقتايدى.
بۇل - شەتەل ۆاليۋتاسىن ۇدايى جانە بىركەلكى ساتۋدى بىلدىرەدى. مۇنداي تاجىريبە ۇلتتىق قور وپەراتسيالارىنىڭ ۆاليۋتا نارىعىنا اسەرىن بارىنشا ازايتۋعا مۇمكىندىك بەرەدى.
ۇلتتىق بانك ب ج ز ق زەينەتاقى اكتيۆتەرىنىڭ ۆاليۋتالىق ۇلەسىن %30 دەڭگەيىندە ۇستاپ تۇرۋ ماقساتىندا شىلدەدە بيرجالىق ساۋدا-ساتتىقتا شەتەل ۆاليۋتاسىن ساتىپ الۋدى جالعاستىردى.
ونىڭ جالپى سوماسى 275 ميلليون ا ق ش دوللارىن نەمەسە نارىقتىڭ جالپى كولەمىنىڭ شامامەن %7- ىن قۇرادى.
ۇلتتىق بانك ۇكىمەتتىڭ ۇلتتىق قورعا «قازاتوم ونەركاسىپ» ا ق اكسيالارىن ساتىپ الۋ تۋرالى شەشىمىن ىسكە اسىرۋ اياسىندا ۇلتتىق بانكتىڭ التىن ۆاليۋتا رەزەرۆتەرىنە كونۆەرتاتسيالاۋدى جۇرگىزدى.
كونۆەرتاتسيا ۇلتتىق قوردىڭ ۆاليۋتالىق اكتيۆتەرىنىڭ ءبىر بولىگىن ساتۋ ارقىلى ىسكە اسىرىلدى.
نارىقتىق بەيتاراپتىقتى ساقتاۋ ماقساتىندا ۇلتتىق بانك شىلدەنىڭ ورتاسىنان باستاپ ساتىپ الىنعان كولەمدى بىركەلكى تۇردە ساتۋعا كىرىستى.
شىلدەدە اتالعان وپەراتسيا اياسىندا ۇلتتىق بانكتىڭ التىن-ۆاليۋتا رەزەرۆتەرىنەن ساتۋ كولەمى 115 ميلليون ا ق ش دوللارىن قۇرادى.
2024 -جىلعى تامىز ايىندا التىن- ۆاليۋتا رەزەرۆتەرىنەن 230 ميلليون ا ق ش دوللارىنان 250 ميلليون ا ق ش دوللارىنا دەيىنگى كولەمدە ۆاليۋتا ساتىپ الۋ كۇتىلۋدە.
رەسپۋبليكالىق بيۋدجەتكە ترانسفەرت بولۋگە ۇكىمەتتىڭ الدىن الا بولجامدى ءوتىنىمى بويىنشا 2024 -جىلعى تامىزدا ۇلتتىق بانك ۇلتتىق قوردان 500 ميلليون ا ق ش دوللارىنان 600 ميلليون ا ق ش دوللارىنا دەيىنگى مولشەردە ۆاليۋتا ساتىلۋىن كۇتەدى.
2024 -جىلعى تامىزدا ب ج ز ق زەينەتاقى اكتيۆتەرىنىڭ ۆاليۋتالىق ۇلەسىن ۇستاپ تۇرۋ ءۇشىن 200 ميلليون ا ق ش دوللارىنان 250 ميلليون ا ق ش دوللارىنا دەيىنگى مولشەردە ۆاليۋتا ساتىپ الۋ كۇتىلۋدە.
ۇلتتىق بانك ترانسپارەنتتىلىك قاعيداتى شەڭبەرىندە ۆاليۋتا نارىعىندا جۇرگىزىلەتىن بارلىق وپەراتسيا تۋرالى اقپاراتتى تولىق اشىپ كورسەتۋدى ماقسات ەتەدى.
قىسقامەرزىمدى پەرسپەكتيۆادا تەڭگەنىڭ ديناميكاسى نارىققا قاتىسۋشىلاردىڭ كۇتۋلەرىنە، توقساندىق سالىق تولەمدەرىنە، الەمدىك نارىقتارداعى احۋالعا جانە گەوساياسي جاعدايدىڭ وزگەرۋىنە بايلانىستى بولادى.
ۇلتتىق بانك تەڭگەرىمسىزدىكتىڭ جيناقتالۋىن بولدىرمايتىن جانە التىن-ۆاليۋتا رەزەرۆتەرىنىڭ ساقتالۋىن قامتاماسىز ەتەتىن يكەمدى باعام بەلگىلەۋ رەجيمىن ۇستانا بەرەدى.
