«بولاشاق» ستيپەندياسىنا قۇجات قابىلداۋ قاشان باستالادى - بۇيرىق جوباسى
استانا. KAZINFORM - «بولاشاق» حالىقارالىق ستيپەندياسىنا قۇجات قابىلداۋ جانە كونكۋرستى وتكىزۋ مەرزىمىن بەكىتۋ تۋرالى عىلىم جانە جوعارى ءبىلىم ءمينيسترى بۇيرىعىنىڭ جوباسى «اشىق ن ق ا» پورتالىندا جاريالاندى.
جوبادا «بولاشاق» حالىقارالىق ستيپەندياسىنا قۇجات قابىلداۋ 2025 -جىلعى 3 -ناۋرىز بەن 17 -قازان ارالىعىندا جۇرگىزۋ جوسپارلانىپ وتىر. ال كونكۋرستى وتكىزۋ 2025 -جىلعى 1- ءساۋىر مەن 31- جەلتوقسان ارالىعى بولىپ بەكىتىلسىن دەلىنگەن ءمينيستردىڭ بۇيرىعىندا.
قۇجات جوباسى بيىل 23- قاڭتارعا دەيىن قوعامنىڭ تالقىسىنا ۇسىنىلىپ وتىر.
ەسكە سالا كەتەيىك، ماجىلىستە دارىندى جاستارعا «بولاشاق» ارقىلى باكالاۆر دەڭگەيىندە ءبىلىم الۋعا رۇقسات بەرەتىن زاڭ جوباسى قارالىپ جاتىر.
سونداي-اق، «بولاشاق» باعدارلاماسى بويىنشا كىمدەر باكالاۆر دەڭگەيىندە وقي الاتىنىن جازعان بولاتىنبىز.
ايتا كەتسەك، بىلتىر جەلتوقساندا 271 ازاماتقا «بولاشاق» حالىقارالىق ستيپەندياسىن تاعايىنداۋ تۋرالى شەشىم قابىلداندى.
اۆتور
داۋلەت ىزتىلەۋ
