«بولاشاق» شاحتاسىنداعى وقيعا كەزىندە 200-دەن استام جۇمىسشى جەر ۇستىنە شىعارىلدى
اقتوبە. KAZINFORM - «بولاشاق» شاحتاسىندا جۇمىس ىستەپ جاتقان 228 جۇمىسشىنىڭ ءبارى جەراستىنان جوعارى شىعارىلدى. قازىرگى كەزدە وبلىستىق توتەنشە جاعدايلار دەپارتامەنتى جەدەل جەلىنى ىسكە قوستى.
«قازحروم» ت ۇ ك» ا ق فيليالى ءدوڭ تاۋ- كەن بايىتۋ كومبيناتىندا بولعان وقيعادان سوڭ شتاب جۇمىس ىستەپ جاتىر. وقيعا ورنىنااقتوبە وبلىسىنىڭ ت ج د باسشىلىعى، 20982 اسكەري ءبولىمىنىڭ جانە ت ج م اپاتتار مەديتسيناسى ورتالىعىنىڭ قىزمەتكەرلەرى باردى.
- وقيعا بولعان كەزدە شاحتادا 228 قىزمەتكەر بولدى. بارلىق قىزمەتكەر جەر ۇستىنە شىعارىلدى. شاحتانىڭ جۇمىسى ۋاقىتشا توقتاتىلدى. حرومتاۋ اسكەريلەندىرىلگەن تاۋ-كەن جاساعى سۋتەكتى ولشەۋ جۇمىسىن جۇرگىزىپ جاتىر. ت ج م كوماندالىق ورتالىعىنىڭ احۋالدىق زالىندا جانە ت ج د داعدارىس ورتالىعىندا جەدەل شتابتاردىڭ جۇمىسى ۇيىمداستىرىلدى. اقتوبە وبلىستىق ت ج د- دا جەدەل جەلى تەلەفونى (تەل: 87132548682) ىسكە قوسىلدى. ازىرگە قوڭىراۋلار تۇسكەن جوق، - دەپ حابارلادى ت ج م باسپا ءسوز قىزمەتى.
ەسكە سالساق، بۇگىن ءدوڭ كەن-بايىتۋ كومبيناتىنداعى «بولاشاق» شاحتاسىندا كەنشىلەردى كۇيىك شالدى. پوليتسيا تاۋ-كەن نەمەسە قۇرىلىس جۇمىستارىن جۇرگىزۋ كەزىندە قاۋىپسىزدىك ەرەجەلەرىن بۇزۋ فاكتىسى بويىنشا قىلمىستىق ءىستى تىركەدى. ءبىر جۇمىسشى جانساقتاۋ بولىمىندە جاتىر.
- كەن ءوندىرۋ بلوگىندا بۇرعىلاۋ جۇمىستارىن جۇرگىزۋ كەزىندە اۋا كەڭىستىگىنىڭ قىسقا مەرزىمدى تۇتانۋى پايدا بولدى. سۋتەگى شاشىلۋ سالدارىنان ءتورت ادامدى كۇيىك شالىپ، اۋرۋحاناعا جەتكىزىلدى. زارداپ شەگۋشىلەرگە بارلىق قاجەتتى مەديتسينالىق كومەك كورسەتىلەدى. سەبەپتەرى انىقتالىپ، جويۋ جۇمىستارى اياقتالعانشا شاحتاداعى كەن ءوندىرۋ جۇمىستارى توقتاتىلدى، - دەپ حابارلادى «قازحروم» ت ۇ ك» ا ق باسپا ءسوز قىزمەتى.
