«بولاشاق» باعدارلاماسىنا وزگەرىستەر ەنگىزىلەدى

Саясат Нурбек
Фото: Адлет Беремкулов/Kazinform

استانا. KAZINFORM - قازاقستاندا «بولاشاق» حالىقارالىق باعدارلاماسىن دامىتۋدىڭ جاڭا ستراتەگياسى ازىرلەنىپ جاتىر. بۇل تۋرالى عىلىم جانە جوعارى ءبىلىم ءمينيسترى ساياسات نۇربەك ءمالىم ەتتى.

«قازىر الداعى ءۇش جىلعا ارنالعان «بولاشاقتىڭ» جاڭا ستراتەگياسى ازىرلەنىپ جاتىر. بيىلعى ناۋرىز ايىندا رەسپۋبليكالىق كوميسسيانىڭ وتىرىسىنا شىعارىپ، ودان كەيىن تانىستىرۋدى جوسپارلاپ وتىرمىز»، - دەدى ساياسات نۇربەك پارلامەنت ماجىلىسىندە تىلشىلەر سۇراعىنا جاۋاپ بەرە وتىرىپ.

مينيستر جاڭا ستراتەگيادا ماڭىزدى ماسەلەلەر ەسكەرىلگەنىن ايتتى.

«سونىمەن قاتار ىرىكتەۋ جۇمىستارىن كۇشەيتەمىز. ماسەلەن، تاعىلىمدامادان ءوتۋ ءۇشىن ەندى عىلىمي ماقالاعا قاتىستى تالاپتار قويىلادى. عالىمدار جۇمىس ىستەپ تۇرعان زەرتحانالارعا جىبەرىلەدى. ولار جىل سايىن ەلگە ورالعان كەزدە عىلىمي جوبالارىن وندىرىسكە ەنگىزۋ تۋرالى ەسەپ بەرۋى ءتيىس»، - دەدى مينيستر.

اۆتور

رۋسلان عابباسوۆ

سوڭعى جاڭالىقتار