بريتاندىق ايەل جاڭا ءدارىنىڭ ارقاسىندا التى ايدا ىشەكتىڭ قاتەرلى ىسىگىنەن ايىعىپ كەتتى

دارىگەرلەر تەستىلەۋدىڭ باستاپقى ساتىسىندا تۇرعان دوستارليماب پرەپاراتىن قابىلداعان 42 جاستاعى ايەلدەن قاتەرلى ىسىك بەلگىلەرىن تاپپادى. Kazinform بۇل تۋرالى Euronews-كە سىلتەمە جاساپ حابارلايدى.

ءبىر جىل بۇرىن كەرري داۋنيگە ىشەكتىڭ قاتەرلى ىسىگى دياگنوزى قويىلدى. جاڭا پرەپاراتتى التى اي بويى قابىلداعان ايەلگە دارىگەرلەر وعان قۋانىشتى حابار ايتتى.

دوستارليماب پرەپاراتى جاسۋشالارىندا گەنەتيكالىق اۋىتقۋلارى بار كولورەكتالدى قاتەرلى ىسىك ءتۇرىن ەمدەۋگە ارنالعان پرەپارات، ول ءالى تەكسەرىلۋ ۇستىندە. بارلىق ناۋقاستاردا رەپاراتسيا گەنىندە (MMR) ەرەكشە مۋتاتسيا بار.

سۋونسي- بەي ۋنيۆەرسيتەتىنىڭ مالىمەتىنشە، بۇل گەندىك اقاۋ كولورەكتالدى قاتەرلى ىسىك جاعدايلارىنىڭ % 3,5-5 - ىندا كەزدەسەدى.

باستاپقىدا 42 جاستاعى ايەلگە ول وتادان كەيىن ءومىر بويى ستومامەن قالۋ قاۋپى بار ەكەنىن ايتتى. ول ارقىلى تاماق قالدىقتارى اسقازانعا كيىلەتىن ارنايى قاپشىققا جينالادى.

وڭتۇستىك- باتىس ۋەلستىڭ ونكولوگيالىق ورتالىعى كەرريدى دارىگەر كرەيگ باررينگتونعا جىبەردى. ول ناۋقاسقا قاتەرلى ىسىكتەن ەشبىر اۋىر وتاعا بارماي- اق قۇتىلۋعا بولاتىنىن ايتتى.

«ول بيوپسيا قورىتىندىسىن تەكسەرىپ، مەندە سيرەك كەزدەسەتىن مۋتاتسيا بار ەكەنىن ءبىلدى. دارىگەر سىناقتار بۇرىن جۇرگىزىلگەنىن، مەن بارلىق بەلگىلەرگە ساي بولعاندىقتان قارجىلاندىرۋعا سەنىمدى ەكەنىن ايتتى. ول مەنەن جالعاستىرعىم كەلە مە دەپ سۇرادى»، - دەدى كەرري.

التى اي بويى كەرريگە پرەپاراتتى اپتاسىنا ءۇش رەت كوكتامىرعا سالدى. پروتسەدۋرا شامامەن 30 مينۋتقا سوزىلدى.

«مەن شارشايتىنمىن، بورتپە پايدا بولدى، ءبىراق بۇل حيميوتەراپيا، ساۋلەلىك تەراپيا نەمەسە حيرۋرگيامەن سالىستىرعاندا ەشتەڭە ەمەس»، - دەدى ول.

ەمدەۋ كەزىندە ىسىك ازايىپ، كەزەڭنىڭ سوڭىنا قاراي ونىڭ ءىزى دە قالمادى.

«ءبىز ۇلى بريتانيادا ءبىرىنشى جانە الەمدە العاشقىلاردىڭ ءبىرى بولىپ (يتاليامەن بىرگە) بۇل ەمدەۋدى ادەتتەگى تاجىريبە رەتىندە ەنگىزدىك»، - دەلىنگەن باررينگتون مالىمدەمەسىندە.

"بۇل پاتسيەنتى ءدارىنى مىندەتتى تۇردە قابىلداۋى كەرەك دەگەن ءسوز ەمەس. بۇل، بىلايشا ايتقاندا، ءبىزدىڭ ارسەنالداعى قوسىمشا قۇرال. ءبىراق 100 پايىزدىق ناتيجە كورسەتكەن زەرتتەۋ بولعان كەزدە، قارسىلىق ءبىلدىرۋ قيىن"، - دەلىنگەن مالىمدەمەدە.

اۆتور

زارينا تۋعانبايەۆا