بريتان پوليتسياسى قاشىقتان سكانەرلەۋ ارقىلى ادامداردان قارۋ-جاراق ىزدەي الادى

Лондон полиция
Фото: Evening Standard

استانا. KAZINFORM - بريتاندىق پوليتسەيلەر قالا كوشەلەرىمەن سەرۋەندەپ جۇرگەن ادامداردى كيىمدەرىنىڭ استىندا قارۋ-جاراقتىڭ بار-جوعىن جاسىرىن تەكسەرە الادى.

«كەلەسى جىلى ەنگىزىلۋى مۇمكىن جاڭا تەحنولوگيا ءتارتىپ ساقشىلارىنا جۇرتشىلىق كوپ جينالاتىن جەرلەردە التى مەترگە دەيىنگى قاشىقتىقتا كيىم، ءتىپتى قالىڭ پالتو مەن بەلدىك استىنان پىشاقتاردىڭ بار-جوعىن انىقتاۋعا مۇمكىندىك بەرەدى»، - دەپ جازدى The Standard.

بۇل تەحنولوگيانى ەنگىزۋدى جەدەلدەتۋ ءۇشىن ۇلى بريتانيا ۇكىمەتى 460 مىڭنان استام فۋنت ستەرلينگ ءبولدى. ونى قولدانۋ جازىقسىز ادامداردى تۇتقىنداۋ مەن ءتىنتۋ سانىن ازايتۋدى كوزدەيدى.

لوندوندا پىشاق قولدانعان قىلمىس سانىنىڭ ءوسۋى بايقالادى: ۇلى بريتانيا استاناسىندا 2022-جىلدىڭ شىلدەسى مەن 2023 -جىلدىڭ ماۋسىمى ارالىعىندا 13503 وقيعا تىركەلدى، بۇل الدىڭعى 12 ايلىق كەزەڭمەن سالىستىرعاندا 20 پايىزعا كوپ.

اۆتور

اسحات رايقۇل

سوڭعى جاڭالىقتار