بۇرىنعى كۇيەۋ بالاڭ ەكەنىمدى جاسىرمايمىن: جابىرلەنۋشى گۇلميرا ساتىبالدىعا جاۋاپ بەردى
الماتى. KAZINFORM - الماتىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا گۇلميرا ساتىبالدى ءىسى بويىنشا نەگىزگى سوت پروتسەسى جالعاسىپ جاتىر.

سوت وتىرىسىندا جابىرلەنۋشى، كاسىپكەر اباي ءجۇنىسوۆ ايىپتالۋشى مەن سۋديانىڭ سۇراقتارىنا جاۋاپ بەردى.
«ول ۇنەمى نازاربايەۆتىڭ بۇرىنعى كەلىنى ەكەنىمدى ەسكە سالادى. ولاي بولسا، نەگە ءوزىنىڭ مەنىڭ بۇرىنعى كۇيەۋ بالام ەكەنىن ءار سوزىندە ايتپايدى؟ ونىڭ ۇستىنەن بىرنەشە رەت قىلمىستىق ءىس قوزعالسا، مەن سونداي كۇشتى، قولىندا بيلىگى بار ادام بولسام، نەگە سول ىستەر جابىلىپ قالا بەردى؟ ءسوزىم جوق»، - دەدى گۇلميرا ساتىبالدى.
سۋديا ايىپتالۋشىدان زاڭدى سۇراق قويۋدى ءوتىندى. ودان كەيىن ساتىبالدىنىڭ ادۆوكاتى جابىرلەنۋشىگە قاتىستى ىستەردىڭ نەلىكتەن جابىلعانىن ءتۇسىندىردى.
«مەن ءسىزدىڭ بۇرىڭعى كۇيەۋ بالاڭىز ەكەنىمدى جاسىرمايمىن. ءسىز بۇرىنعى كۇيەۋىڭىز قايرات ساتىبالدى سياقتى بەدەلدى ادامدارعا سۇيەنىپ، ارەكەت ەتتىڭىز. ماعان قاتىستى ىستەر نەگە جابىلدى، سەبەبى مەنىڭ قاتىسىم بار ەكەنى دالەلدەنبەدى»، - دەپ جاۋاپ بەردى اباي ءجۇنىسوۆ.
سۋديا جابىرلەنۋشىدەن بانك ۆ ت ب تالابى تۋرالى تولىعىراق ايتىپ بەرۋىن سۇرادى.
«بۇگىنگى كۇنى ماسكەۋدىڭ مەشانسكي سوتى مەنەن قارىزدى ءوندىرىپ الۋ جونىندە شەشىم شىعاردى. مەنىڭ بانك الدىندا بەرەشەگىم بار. بۇكىل شوتتارىم بۇعاتتالعان، ولار بيىلدان باستاپ تاۋەلسىز سوت ورىنداۋشىلار ارقىلى مۇلىكتىڭ ءبارىن ءوندىرىپ الۋ ءۇشىن ۇستىمنەن سوتقا شاعىم ءتۇسىردى»، - دەدى ءجۇنىسوۆ.
بۇل ءىس تۋرالى تولىعىراق ءجۇنىسوۆتىڭ ادۆوكاتى راشيد تەڭىزبايەۆ ايتىپ بەردى.
قازىر سىبايلاس جەمقورلىققا قارسى قىزمەت ءجۇنىسوۆتىڭ ساتىبالدىمەن بىرگە يەلىك ەتىپ، كومپانيا سالعان «ۆوستوچكا» تۇرعىن ءۇي كەشەنىنىڭ قۇرىلىسىنا قاتىسى بار ۆ ت ب بانك ەپيزودىنا بايلانىستى ءىستى تەرگەپ جاتقانىن جەتكىزدى.
قورعاۋشىنىڭ ايتۋىنشا، ولار سول كەزەڭدەگى شەنەۋنىكتەردىڭ، اتاپ ايتقاندا، ولاردىڭ پىكىرىنشە، الاياقتىق سحەماسىنا قاتىسقان بانكتەردىڭ ءبىرىنىڭ، اكىمدىك پەن كۆازيمەملەكەتتىك ۇيىم وكىلدەرىنىڭ جاۋاپكەرشىلىگى تۋرالى ماسەلە كوتەرىپ وتىر.
«ەپيزود اۋقىمدى، كۇردەلى، ول 24 ءۇيدىڭ قۇرىلىسىنا بايلانىستى. قۇرىلىستى قارجىلاندىرعان ۋاقىتتا اباي ءجۇنىسوۆ زاڭسىز تۇرمەدە وتىرعان. سول كەزدە ساتىبالدى ماسكەۋگە ۇشىپ بارىپ، ۆ ت ب بانكىنىڭ وكىلدەرىمەن قارجىلاندىرۋ ماسەلەسىن اقىلداسقان. سوندا بانك ساتىبالدىنىڭ سەنىمدى وكىلدەرىنىڭ كومپانيانى ءتيىمسىز باسقارۋىنان قۇرىلىستىڭ توقتاپ قالۋىنا بايلانىستى ونى قارجىلاندىرعان، ءبىراق ءجۇنىسوۆتىڭ جەكە كەپىلدىگىمەن ونى ەسەپتەن شىعارعان. ولار ءجۇنىسوۆ بارىنەن حاباردار جانە ءوزى كەلىسكەن دەپ كورسەتكەن. ناتيجەسىندە گۇلميرا ساتىبالدى بانكتىڭ اقشاسىن ءوز پايداسىنا اۋدارىپ العان دا، «قارىز» دەپ جۇنىسوۆكە جازىپ كەتكەن. سوسىن ۆ ت ب ماسكەۋدە سوتقا شاعىم ءتۇسىرىپ، سوت شەشىمىمەن جۇنىسوۆتەن 7,8 ميلليارد تەڭگە ءوندىرىپ جاتىر. بانك وكىلدەرى بوستاندىق سوتىنا شاعىم ءتۇسىردى، ال ءبىزدىڭ سوت بۇل شەشىمدەردىڭ كۇشىن جويدى»، - دەدى جابىرلەنۋشىنىڭ قورعاۋشىسى.
بۇعان دەيىن كاسىپكەر اباي ءجۇنىسوۆ گۇلميرا ساتىبالدى بىرلەسكەن سەرىكتەستىكتە ۇرلىق جاسادى دەگەن كۇدىكپەن كىناسىن مويىنداۋدى تالاپ ەتىپ، 2019 -جىلدىڭ اقپانىنان بەرى ۇيىندە زاڭسىز قاماۋدا ۇستاعانىن ايتقان ەدى.
ايتا كەتەيىك، الدىن الا تىڭداۋ كەزىندە، ايىپتالۋشى گ. ساتىبالدى القابيلەر سوتىنا قاتىسپايتىنىن جەتكىزگەن بولاتىن.
ەستەرىڭىزگە سالا كەتەيىك، بىلتىر گۇلميرا ساتىبالدى بىرەۋدىڭ مۇلكىن يەمدەنۋ جانە جىمقىرۋ قىلمىستىق ءىسى بويىنشا 7 جىلعا باس بوستاندىعىنان ايىرىلدى.
اۆتور
الما مۇقانوۆا