بۇرىن جەمقورلىق جاساعان 5 ادام كۆازيمەمسەكتوردا الاڭسىز جۇمىس ىستەپ جۇرگەن
استانا. KAZINFORM - انتيكوردىڭ مالىمەتىنشە، جەمقورلىققا قارسى كومپلاەنس- وفيتسەرلەر 2,2 مىڭنان استام جەمقورلىق تاۋەكەلىن انىقتاعان.

2020 -جىلى سىبايلاس جەمقورلىققا قارسى ءىس-قيمىل تۋرالى زاڭدا العاش رەت جەمقورلىققا قارسى كومپلاەنس ينستيتۋتى كوزدەلگەن.
ونىڭ نەگىزگى مىندەتى - جەمقورلىقتىڭ الدىن الۋ جانە كۆازيمەملەكەتتىك سەكتوردا سىبايلاس جەمقورلىققا قارسى زاڭنامانىڭ ساقتالۋىن قامتاماسىز ەتۋ.
بۇگىنگى تاڭدا كومپلاەنس- قىزمەتتەر وسى سەكتوردىڭ 6 مىڭنان استام ۇيىمدارىندا جۇمىس ىستەيدى.
2022 -جىلدان باستاپ ولاردىڭ اتقارۋشى ورگاننان تاۋەلسىزدىگى قامتاماسىز ەتىلدى، ولار تەك جوعارى باسقارۋ ورگانىنا ەسەپ بەرەدى.
2023 -جىلدان باستاپ سىبايلاس جەمقورلىققا قارسى قىزمەتكە جەمقورلىققا قارسى كومپلاەنس- قىزمەتتەردىڭ جۇمىسىن ۇيلەستىرۋ جانە ءبىرىڭعاي ۇلگىلىك ەرەجەنى ازىرلەۋ قۇزىرەتى بەرىلدى.
ۇيلەستىرۋ ءادىسنامالىق قولداۋ، وقىتۋ جانە اقپارات الماسۋدى قامتاماسىز ەتۋدەن تۇرادى.
سىبايلاس جەمقورلىققا قارسى قىزمەت 2023 -جىلى كومپلاەنس- وفيتسەرلەردىڭ بىلىكتىلىگىن ارتتىرۋ ماقساتىندا 10-نان استام كونفەرەنسيالار مەن سەمينارلار وتكىزدى.
ەلىمىزدىڭ بارلىق وڭىرىندە «سىبايلاس جەمقورلىققا قارسى كومپلاەنس مەكتەپتەرى» ۇيىمداستىرىلعان، وندا جەتەكشى وتاندىق جانە حالىقارالىق ساراپشىلاردىڭ قاتىسۋىمەن وقىتىلادى.
ناتيجەسىندە وتكەن جىلى عانا كومپلاەنس- وفيتسەرلەر 2,2 مىڭنان استام جەمقورلىق تاۋەكەلىن انىقتادى.
ونىڭ ىشىندە 70 مۇددەلەر قاقتىعىسى جانە بۇرىن جەمقورلىق جاساعان ادامداردى جۇمىسقا قابىلداۋدىڭ 5 فاكتىسى بار.
بارلىق فاكتىلەر بويىنشا ءتيىستى شارا قابىلداندى، كۆازيمەملەكەتتىك سەكتوردىڭ 5 باسشىسى اكىمشىلىك جاۋاپكەرشىلىككە جانە 57 ادام تارتىپتىك جاۋاپكەرشىلىككە تارتىلدى.
وسى ينستيتۋتتى جەتىلدىرۋ ماقساتىندا سىبايلاس جەمقورلىققا قارسى قىزمەت كومپلاەنس-پروتسەستەردى اۆتوماتتاندىرۋ بويىنشا جۇمىس جۇرگىزۋدە.
بۇل تاۋەكەلدەردى ازايتۋدى، ەسەپ بەرۋ جانە باقىلاۋ پروتسەستەرىن جاقسارتۋدى، اشىقتىق پەن تيىمدىلىكتى ارتتىرۋدى قامتاماسىز ەتەدى.
جالپى، قازاقستانداعى جەمقورلىققا قارسى كومپلاەنس ينستيتۋتى دامۋ پروتسەسىندە تۇر، قابىلدانىپ جاتقان شارالار كورپوراتيۆتىك پاراساتتىلىقتى ارتتىرۋعا جانە جەمقورلىق تاۋەكەلدەرىن تومەندەتۋگە ىقپال ەتەدى.
اۆتور
جانات قاپالبايەۆا