بۋرابايداعى ريكسوس قوناق ءۇيى 4,8 ميلليون تەڭگە ايىپپۇل تولەيدى
بۋراباي. KAZINFORM - بۋرابايداعى «Rixos» قوناق ۇيىنە سانتيارلىق-ەپيدەميولوگيالىق تالاپتاردى بۇزعانى ءۇشىن 4830000 تەڭگە ايىپپۇل سالىندى.
«بۋراباي اۋداندىق سوتىنىڭ 2023 -جىلعى 7-جەلتوقسانداعى قاۋلىسىمەن «Burabay Hotel Management» ج ش س اكىمشىلىك قۇقىق بۇزۋشىلىق جاساعانى ءۇشىن، اتاپ ايتقاندا ق ر حالىقتىڭ سانيتاريالىق-ەپيدەميولوگيالىق سالاماتتىلىعى سالاسىنداعى زاڭناماسىنىڭ، سونداي- اق ادام دەنساۋلىعىنا زيان كەلتىرۋگە اكەپ سوققان گيگيەنالىق نورماتيۆتەردىڭ تالاپتارىن بۇزعانى ءۇشىن كىنالى دەپ تانىلدى (ا ق ب ت ك 425-بابىنىڭ 2-بولىگى) . سوت ج ش س- گە 4830000 تەڭگە كولەمىندە ايىپپۇل سالدى»، - دەپ ءتۇسىندىردى Kazinform ءتىلشىسىنىڭ ساۋالىنا اقمولا وبلىستىق سوتىنىڭ باسپا ءسوز قىزمەتىنەن.
ۆەدومستۆودان اتاپ وتكەندەي، 2023 -جىلعى 13-قىركۇيەكتە بۋراباي اۋداندىق سانيتارلىق-ەپيديميولوگيالىق باقىلاۋ باسقارماسى «Rixos» قوناق ءۇيىن تەكسەرۋ بارىسىندا باكتەريالىق ىشەك ينفەكسياسىن انىقتاعان.
ودان قوناقۇيدىڭ 21 قىزمەتكەرى زارداپ شەكتى.
سوتتا ج ش س وكىلى كىناسىن مويىنداپ، اتالعان كەمشىلىكتەر تولىق كولەمدە جويىلعانىن ءتۇسىندىردى.
ج ش س مىناداي تالاپتاردى بۇزدى:
- كەسۋ جابدىقتارى، وندىرىستىك ۇستەلدەر مەن ىدىستار تاڭبالانباعان، ولاردى اۋىستىرۋ قاجەت؛
- دايىن ەت ونىمدەرىنە ساپا كۋالىگى جانە سايكەستىك تۋرالى دەكلاراتسيا جوق؛
- «كوسپا» جارامدىلىق مەرزىمى وتكەن ونىمدەر تابىلعان؛
- كونديتەرلىك ونىمدەر تاڭبالاۋسىز ساقتالعان؛
- باكتەريتسيدتىك شامنىڭ جۇمىس ىستەگەن ۋاقىتى ەسەپكە الىنباعان؛
- اس بلوگىنىڭ قىزمەتكەرلەرىنە كۇندەلىكتى تەكسەرۋ جۇرگىزىلمەگەن؛
- تەكسەرۋ كەزىندە 13 قىزمەتكەردە «St.aureus» بارى انىقتالعان.
- ءى ت ت ب جانە پ ف- داعى 5 جۋۋ سىناماسىندا ىشەك تاياقشاسى توبىنداعى باكتەريا انىقتالدى.
«اكىمشىلىك قۇقىق بۇزۋ كودەكسىنىڭ 425-بابى 2-بولىگىنىڭ سانكتسياسى ءىرى كاسىپكەرلىك سۋبەكتىسىنە 2000 ايلىق ەسەپتىك كورسەتكىش مولشەرىندە اكىمشىلىك ايىپپۇل سالۋدى كوزدەيدى. سوت كودەكستىڭ 819-بابى 2-بولىگىن قولدانا وتىرىپ جانە اۋىرلاتاتىن ءمان-جايدىڭ جوقتىعىن ەسكەرە وتىرىپ، ايىپپۇلدى 30 پايىزعا قىسقارتتى»، - دەپ تولىقتىردى ۆەدومستۆودان.
سوت شەشىمى زاڭدى كۇشىنە ەندى.
ايتا كەتسەك، بۇدان بۇرىن بۋرابايداعى «Rixos» قوناق ءۇيىنىڭ 17 قىزمەتشىسى تاماقتان ۋلانىپ قالعانىن جازعان ەدىك.
اۆتور
اسلان وسپانوۆ