13:04, 25 - شىلدە 2024 | GMT +6
بۋرابايدا ماساڭ كۇيدە كولىك جۇرگىزگەن يمام 15 تاۋلىككە قامالدى
كوكشەتاۋ. KAZINFORM - بۋرابايدا ماساڭ كۇيدە كولىك جۇرگىزگەن قوستانايدىڭ باس يمامى ۇستالدى. پوليتسيا اكىمشىلىك حاتتاما تولتىرىپ، 15 تاۋلىككە قاماۋعا الدى.
ماس يمامنىڭ ۇستالعانى تۋرالى وراز الىمبەكوۆ ەسىمدى جەلى قولدانۋشىسى Facebook-تەگى پاراقشاسىندا جازدى.
ۇستالعان ادام قوستانايدىڭ باس يمامى تاجىمبەت باحىتبەك نۇرعابىل ۇلى ەكەنى ايتىلادى. ونى ءتارتىپ ساقشىلارى بۋرابايداعى «رەگيون» تۇنگى كلۋبىنىڭ جانىندا ماساڭ كۇيدە «حايلاندر» كولىگىمەن كەتىپ بارا جاتقاندا قولعا تۇسىرگەن.
جەلىدە تاراعان ەر ادامنىڭ ۇستالعانىن اقمولا وبلىستىق سوتىنىڭ باسپا ءسوز قىزمەتى راستادى. الايدا تولىق اقپارات كەيىن جولداناتىنىن جەتكىزدى.
ايتا كەتسەك، بۇدان بۇرىن اقمولا وبلىسىندا توبەلەسكەن اكىم ورىنباسارى مەن اپپارات باسشىسىنا ايىپپۇل سالىنعانىن جازعان ەدىك.
اۆتور
اسلان وسپانوۆ
