بەرند ۋلبريحت كورپوراتسيا باستامالارىنا قولداۋ كورسەتكەنى ءۇشىن مەملەكەت باسشىسىنا العىس ايتتى

ونىڭ پىكىرىنشە، Siemens كومپانياسى قازاقستان نارىعىنا ەنگەن 30 جىل ىشىندە ءبىرقاتار ونەركاسىپتىك جوبالاردى تابىستى ىسكە اسىرۋعا اتسالىسقان.

Siemens AG ۆيتسە-پرەزيدەنتى ءوزارا مۇددەلى باعىتتاردا ىنتىماقتاستىقتى كەڭەيتۋگە قىزىعۋشىلىق تانىتاتىنىن راستادى.

ول كومپانيانىڭ ەلەكتر جەلىلەرىن جاڭعىرتۋ، سيفرلاندىرۋ، اۆتوماتتاندىرۋ، سۋمەن جابدىقتاۋ سالالارىندا تەحنولوگيالىق شەشىمدەردى ۇسىنا الاتىنىن، سونداي-اق دەرەكتەردى وڭدەۋ ورتالىعى ينفراقۇرىلىمىنا قاتىسۋعا ءازىر ەكەنىن جەتكىزدى.

قاسىم-جومارت توقايەۆ Siemens AG كومپانياسىنىڭ كوممەرتسيا جانە قارجى ماسەلەلەرى جونىندەگى ۆيتسە-پرەزيدەنتى بەرند ۋلبريحتتى قابىلداعانىن جازعان ەدىك.