بەلگىلى تۇركولوگ عالىم قارجاۋباي سارتقوجا ۇلى دۇنيەدەن ءوتتى
استانا. قازاقپارات - تۇركى تانۋشى عالىم، جازۋشى قارجاۋباي سارتقوجا ۇلى 78 جاسقا قاراعان شاعىندا دۇنيەدەن وزدى.
قارجاۋباي سارتقوجا ۇلى- 1947-جىلى 21-ناۋرىزدا موڭعوليانىڭ بايان-ولگەي ولكەسىندە دۇنيەگە كەلگەن. 1973-جىلى موڭعوليا مەملەكەتتىك ۋنيۆەرسيتەتىن بىتىرگەن. 1985-1988 -جىلدارى لەنينگرادتاعى شىعىس تانۋ ينستيتۋتىنىڭ اسپيرانتۋراسىندا وقىعان. 1973-1975 ج ج. بايان-ولگەي ايماعىندا №10 مەكتەپتە ۇستاز، 1975-1989 ج ج. موڭعوليا تاريح ينستيتۋتىنىڭ اعا عىلىمي قىزمەتكەرى، 1990 - 1993 ج ج. موڭعوليا رەسپۋبليكاسىنىڭ پارلامەنتىنىڭ مۇشەسى بولىپ سايلاندى.
1993-1996 ج ج. تۇركى-قازاق عىلىمي ورتالىعىنىڭ اعا عىلىمي قىزمەتكەرى، ديرەكتورى.
1996-1999 ج ج. بايان-ولگەي ايماقتىق ءماسليحات ءتوراعاسى.
2001 - 1999 ج ج. موڭعوليانىڭ بايان-ولگەي ايماعىنداعى تۇركى-قازاق عىلىمي ورتالىعىنىڭ ديرەكتورى.
2001 -جىلدان ەۋرازيا ۇلتتىق ۋنيۆەرسيتەتىنىڭ ەپيگرافيكا جانە ەتنوگرافيا لابوراتورياسىنىڭ مەڭگەرۋشىسى.
تاريح عىلىمىنىڭ كانديداتى، پروفەسسورقارجاۋباي سارتقوجا ۇلى 2010 -جىلدان باستاپ ل. ن. گۋميليەۆ اتىنداعى ە ۇ ۋ تۇركى تانۋ جانە التاي تانۋ عىلىمي-زەرتتەۋ ورتالىعىنىڭ ديرەكتورى بولىپ جۇمىس ىستەگەن.
«قوش بول، اپا!»، «قىراننىڭ قازاسى»، «سايگۇلىكتەر» اتتى كوركەم پروزالىق كىتاپتاردىڭ، 250-دەن استام عىلىمي ماقالالاردىڭ اۆتورى. 30-عا جۋىق عىلىمي ماقالالارى ورىس، فرانسۋز، اعىلشىن، موڭعول، قازاق، قىتاي تىلدەرىندە عىلىمي باسىلىمداردا جاريالاندى.
ءوزىنىڭ سانالى عۇمىرىن تۇركولوگيا عىلىمىنا ارناپ، بايىرعى تۇرىك ءتىلى، ونىڭ ماتىندەرىن اۋدارىپ، ءتىلدىڭ تاريحي تولىق تۇسىنىكتەمەلەرىن جاسادى.
***
مارقۇم قارجاۋباي سارتقوجا ۇلىنىڭ رۋحىنا ارناپ بەرىلەتىن قوناق اسى: 28-شىلدە 18:00 استانا قالاسى، قورعالجىن تاس جولى، 6
جانازاسى: 29-شىلدە 10:00 استانا قالاسى، ازىرەت سۇلتان مەشىتى، تاۋەلسىزدىك داڭعىلى، 48
