بلوگەر مۇرات ءابدىلدا قايتادان قاماۋعا الىندى
تۇركىستان. KAZINFORM - ساۋران اۋداندىق پوليتسيا ءبولىمى سوتتالۋشىنى مەرزىمىنەن بۇرىن شارتتى تۇردە بوساتۋدىڭ كۇشىن جويىپ، جازانىڭ قالعان وتەلمەگەن بولىگىن باس بوستاندىعىنان ايىرۋ تۇرىندەگى جازاعا اۋىستىرۋدى سۇراعان.
تۇركىستان قالاسىنىڭ اۋدانارالىق سوتىندا قازاقستان رەسپۋبليكاسىنىڭ قىلمىستىق كودەكسىنىڭ 174-بابىنىڭ 1-بولىگىمەن 2022 -جىلى سوتتى بولعان ەر ادامعا قاتىستى ۇسىنىم قارالدى.
سوتتالۋشى 2024 -جىلى سوتتىڭ قاۋلىسى نەگىزىندە ق ك 72-بابىنا سايكەس شارتتى تۇردە مەرزىمىنەن بۇرىن بوساتىلعان. سودان تۇركىستان وبلىسىنىڭ پوليتسيا دەپارتامەتىنىڭ ساۋران اۋداندىق پوليتسيا بولىمىنە پروفيلاكتيكالىق ەسەپكە الىنعان.
پروفيلياكتيكالىق ەسەپتە تۇرعانىنا قاراماستان، ول 2024 -جىلى ورتاق پايدالانۋ ورنىن لاستاعانى ءۇشىن ا ق ب ت ك 434-2 بابىنىڭ 1-بولىگىمەن اكىمشىلىك جاۋاپقا تارتىلىپ، وعان ايىپپۇل سالىنعان. سونىمەن قاتار، 2025 -جىلدىڭ اقپان-ناۋرىز ايلارىندا 5 رەت تىركەلۋگە كەلمەگەن جانە 4 رەت تۇنگى ۋاقىتتا تۇرعىلىقتى مەكەنجايىندا بولماعان.
- سوت قاۋلىسىمەن تۇركىستان وبلىسى پوليتسيا دەپارتامەنتىنىڭ ساۋران اۋداندىق پوليتسيا باسقارماسىنىڭ ۇسىنىمى قاناعاتتاندىرىلدى. ەر ادامدى مەرزىمىنەن بۇرىن شارتتى تۇردە بوساتۋدىڭ كۇشى جويىلىپ، جازانىڭ قالعان وتەلمەگەن بولىگى 2 جىل 11 كۇنىن باس بوستاندىعىنان ايىرۋ تۇرىندەگى جازاعا اۋىستىرىلدى. ەر ادام سوت زالىنان قاماۋعا الىندى. قاۋلى زاڭدى كۇشىنە ەنگەن جوق، - دەلىنگەن تۇركىستان وبلىستىق سوتىنىڭ باسپا ءسوز قىزمەتى ۇسىنعان اقپاراتتا.
ايتا كەتەيىك، بۇدان بۇرىن 12 جاسار قىزدى ازعىندىققا يتەرمەلەگەن ەر ادام سوتتالعانىن جازعان بولاتىنبىز.
اۆتور
قايرات زاينيشيەۆ
