بايلانىس وپەراتورلارى تەحنولوگياسىن دامىتۋعا 450 ميلليارد تەڭگە ينۆەستيتسيا سالادى

استانا. قازاقپارات - 2027 -جىلدىڭ سوڭىنا دەيىن بايلانىس وپەراتورلارى 5G تەحنولوگياسىن دامىتۋعا 450 ميلليارد تەڭگە ينۆەستيتسيا سالادى. بۇل تۋرالى ۇكىمەت وتىرىسىندا سيفرلىق دامۋ، يننوۆاتسيالار جانە ايروعارىش ونەركاسىبى ءمينيسترى جاسلان ماديەۆ ايتتى.

5G
Фото: midjourney

«5G تەحنولوگياسىن ودان ءارى دامىتۋعا قاتىستى كسەل جانە تەلە2-مەن استانا، الماتى، شىمكەنت قالالارىندا جانە وبلىس ورتالىقتارىندا 5G- ءدى دامىتۋ بويىنشا جۇمىستار جالعاساتىن بولادى. بۇگىنگى تاڭدا 20 قالادا 1144 بازالىق ستانسيا ورناتىلعان. مەملەكەت باسشىسىنىڭ تاپسىرماسىنا سايكەس 5G ۇيالى بايلانىسىن ەنگىزۋ 2025 -جىلدىڭ سوڭىنا دەيىن اياقتالۋى ءتيىس»، - دەدى جاسۇلان مادييەۆ.

ءمينيستردىڭ ايتۋىنشا، 2027 -جىلدىڭ سوڭىنا دەيىن بايلانىس وپەراتورلارىنىڭ سالاعا سالاتىن ينۆەستيتسياسىنىڭ كولەمى 450 ميلليارد تەڭگەدەن اسادى.

«قازىرگى ۋاقىتتا 3684 اۋىلدا وپتيكا جوق. ۇلتتىق جوبا اياسىندا مەملەكەتتىك- جەكەشەلىك ارىپتەستىك تەتىگى ارقىلى 3010 اۋىلعا دەيىن وپتيكالىق بايلانىس جەلىسى جەتكىزىلەدى. «سوڭعى ميل» جوق جەردە شاعىن جانە ورتا بايلانىس وپەراتورلارىنىڭ كۇردەلى شىعىندارىنىڭ 50 پايىزىن سۋبسيديالاۋ تەتىگى پايدالانىلاتىن بولادى. وسى جوبالاردىڭ قورىتىندىسىندا 2,4 ميلليون ادامدى ينتەرنەتكە قولجەتىمدىلىكپەن قامتاماسىز ەتۋ كۇتىلەدى. جوبالار بايلانىس وپەراتورلارىنان 340 ميلليارد تەڭگەدەن استام كولەمدە جەكە ينۆەستيتسيالار تارتۋدى كوزدەيدى»، - دەدى ول.

ەلىمىزدەگى بازالىق ستانسيالاردىڭ راديو سيگنالىنىڭ شەكتى رۇقسات ەتىلگەن دەڭگەيى بويىنشا نورماتيۆتەردى قايتا قاراۋ قاجەت. بۇل تۋرالى ۇكىمەت وتىرىسىندا سيفرلىق دامۋ، يننوۆاتسيالار جانە ايروعارىش ونەركاسىبى ءمينيسترى جاسلان ماديەۆ ايتتى.

«مينيسترلىك بايلانىس ساپاسىن جاقسارتۋ ءۇشىن كەلەسى ناقتى شارالاردى ۇسىنادى. ەلدى مەكەندەردىڭ باس جوسپارلارى مەن ناقتى جوسپارلاۋ جوباسىندا بايلانىس ساپاسىن جاقسارتۋ جونىندەگى جۇيەلى شارا رەتىندە بايلانىس جەلىلەرىنىڭ ءتيىستى ينفراقۇرىلىمى كوزدەلدى. ولجاس اباي ۇلى، وسىعان بايلانىستى، سىزدەن بارلىق اكىمدىككە بايلانىس وپەراتورلارىمەن بىرلەسىپ، بايلانىس قۇرالدارىن ورنالاستىرۋ ءۇشىن باس جوسپارلار مەن ورىندى ناقتى جوسپارلاۋ جوباسىنا تۇزەتۋلەر ەنگىزۋدى تاپسىرۋىڭىزدى سۇرايمىن»، - دەپ ءوتىندى مينيستر پرەمەر-مينيستر ولجاس بەكتەنوۆتەن.

مينيستر كەلەسى شارا ەلىمىزدەگى بازالىق ستانسيالاردىڭ راديو سيگنالىنىڭ شەكتى رۇقسات ەتىلگەن دەڭگەيى بويىنشا نورماتيۆتەردى قايتا قاراۋدى ۇسىندى.

«قازاقستاندا دامىعان ەلدەرگە جانە ءتىپتى جاقىن شەتەلدەرگە قاراعاندا 10-20 ەسە قاتاڭ نورماتيۆتەر بار. وسىعان بايلانىستى، دەنساۋلىق ساقتاۋ مينيسترلىگىنە وزىق حالىقارالىق تاجىريبەنى ەسكەرە وتىرىپ، راديو سيگنالدىڭ شەكتى رۇقسات ەتىلگەن دەڭگەيى بويىنشا نورماتيۆتەردى قايتا قاراۋدى تاپسىرۋدى سۇرايمىن»، - دەدى جاسلان ماديەۆ.

ونىڭ ايتۋىنشا، قالالاردا ينتەرنەت پەن ۇيالى بايلانىستىڭ جوعارى ساپاسىن قامتاماسىز ەتۋ اياسىندا مينيسترلىكتىڭ تەحنيكالىق ماماندارى بايلانىس ساپاسىنا ولشەمدەر جۇرگىزەدى. ولشەۋ ناتيجەلەرى بويىنشا بايلانىس ساپاسى تومەن ورىندار انىقتالادى.

«ودان سوڭ مينيسترلىك اكىمدىكتەر جانە ۇيالى بايلانىس وپەراتورلارىمەن بىرلەسىپ «اق داقتاردى» جويۋ بويىنشا جۇمىستار جۇرگىزەدى. بۇل جۇمىس بايلانىس ساپاسىن ەلىمىزدىڭ قالالارىندا جاقسارتۋ ماسەلەسى بويىنشا جالعاساتىن بولادى»، - دەدى ول.

بۇعان دەيىن بايلانىس وپەراتورلارى 5G تەحنولوگياسىن دامىتۋعا 450 ميلليارد تەڭگە ينۆەستيتسيا سالاتىنىن جازعان ەدىك.

اۆتور

مارلان جيەمباي

سوڭعى جاڭالىقتار