بايدەن مەن زەلەنسكي 10 جىلدىق قاۋىپسىزدىك كەلىسىمىنە قول قويدى
استانا. KAZINFORM – ا ق ش پرەزيدەنتى دجو بايدەن مەن ۋكراينا پرەزيدەنتى ۆلاديمير زەلەنسكي يتالياداعى "ۇلكەن جەتىلىك" (G7) ەلدەرىنىڭ سامميتىندە ۋكراينانىڭ قاۋىپسىزدىگى مەن ۇزاق مەرزىمدى قولداۋى بويىنشا ىنتىماقتاستىق تۋرالى كەلىسىمگە قول قويدى، دەپ حابارلايدى Ulysmedia.kz.
كەلىسىم ۋكراينانىڭ ناتو- عا بولاشاق مۇشەلىگىنە "كوپىر" رەتىندە قاراستىرىلادى جانە ون جىلعا سوزىلادى.
قۇجاتقا مىنالار كىرەدى:
ۋكراين اسكەريلەرىن وقىتۋ: ا ق ش ۋكراين اسكەريلەرىن وقىتۋدى جانە جاتتىقتىرۋدى جالعاستىرادى.
اسكەري ونەركاسىپتى نىعايتۋ: اسكەري ونەركاسىپ سالاسىنداعى ەلدەر اراسىنداعى ىنتىماقتاستىقتى كەڭەيتۋ.
بارلاۋ دەرەكتەرىمەن الماسۋ: بارلاۋ اقپاراتىمەن الماسۋدى تەرەڭدەتۋ.
سونىمەن قاتار، ۋكرايناعا شابۋىل جاسالعان نەمەسە مۇنداي شابۋىل قاۋپى تونگەن جاعدايدا، كيەۆ پەن ۆاشينگتون وكىلدەرى ا ق ش-تىڭ ىقتيمال كومەگىن تالقىلاۋ ءۇشىن 24 ساعات ىشىندە شۇعىل كەزدەسۋگە جينالۋعا مىندەتتەنەدى.
ايتا كەتۋ كەرەك، كەلىسىم ا ق ش-تىڭ ۋكراينانى قورعاۋ ءۇشىن ا ق ش اسكەري كۇشتەرىن پايدالانۋ جونىندەگى مىندەتتەمەلەرىن قامتىمايدى جانە ۆاشينگتوننىڭ كيەۆ الدىنداعى قارجىلىق مىندەتتەمەلەرىن قامتىمايدى.
قول قويىلعاننان كەيىنگى باسپا ءسوز ءماسليحاتىندا دجو بايدەن "ۇلكەن جەتىلىك" ەلدەرى وسى جىلى ۋكرايناعا رەسەيدىڭ مۇزداتىلعان اكتيۆتەرىنىڭ پايىزىنا 50 ميلليارد دوللار ءبولۋدى ماقۇلداعانىن مالىمدەدى، بۇل ا ق ش- تىڭ باستاماشىسى بولعانىن اتاپ ءوتتى.
