بايدەن مەن ترامپ ا ق ش پرەزيدەنتتىگىنە كانديدات بولادى

استانا. KAZINFORM - دجو بايدەن مەن دونالد ترامپ دجوردجيا، ميسسيسيپي جانە ۆاشينگتون شتاتتارىنداعى ىشكى پارتيالىق سايلاۋ ناتيجەلەرى بويىنشا ا ق ش- تىڭ پرەزيدەنتتىك سايلاۋىنا قاتىسادى.

سەيسەنبى كۇنى ا ق ش پرەزيدەنتى دج. بايدەن دەموكراتيالىق پارتيانىڭ نوميناتسياسىندا رەسمي جەڭىسكە جەتۋ ءۇشىن 1968 دەلەگاتتى الۋ ماقساتىندا 254 دەلەگاتتىڭ 100 داۋىسىن جيناي الدى. ول ميسسيسيپيدەگى پرايمەريزدىڭ ناتيجەلەرى جاريالانعان كەزدە بۇل مەجەدەن ءوتتى.

ال ا ق ش- تىڭ بۇرىنعى پرەزيدەنتى د. ترامپقا قاجەت 137 داۋىس بولسا، ول 161 جينادى. 1215 دەلەگاتتىڭ داۋىسىنا يە بولدى. بۇل ونى رەسپۋبليكالىق پارتيانىڭ كانديداتى ەتتى.

د. ترامپ جانە دج. بايدەن رەسمي تۇردە ءوز ساياسي پارتيالارىنىڭ ەكى نەگىزگى كانديداتى اتاندى. ەندى رەسپۋبليكاشىلدار مەن دەموكراتتار ءوز كانديداتتارىنىڭ سيەزىن سايكەسىنشە شىلدە جانە تامىز ايلارىندا وتكىزەدى.

AP- NORC قوعاممەن بايلانىس ورتالىعى جۇرگىزگەن اقپان ايىنداعى ساۋالناماعا سايكەس، امەريكالىقتاردىڭ %38 - ى د. ترامپقا وڭ قارايتىنىن بىلدىرسە، %41- ى دج. بايدەندى قولداعان.

اۆتور

ەركەجان سماعۇلوۆا