باياناۋىلدا تاعى ءبىر التىن فابريكاسى اشىلادى

پاۆلودار. KAZINFORM - كاسىپورىن ايىنا شامامەن 80 كيلوگرام التىن شىعارادى دەپ بولجانىپ وتىر. جاڭا ءوندىرىستىڭ ناتيجەسىندە قوسىمشا 250 جۇمىس ورنى قۇرىلادى.

بۇل تۋرالى باياناۋىل اۋدانىنىڭ اكىمى ارداق كىسەنتايەۆ حابارلادى. جوبانى تولىق جۇزەگە اسىرۋ، ياعني فابريكانى ىسكە قوسۋ كەلەر جىلعا جوسپارلانعان.

- «ءۇشتاعان GOLD» ج ش س التىن كەنىن ءوندىرۋ جۇمىستارىمەن اينالىسۋدى جوسپارلاپ وتىر. جوبانى اتالعان كومپانيا 11,6 ميلليارد تەڭگەگە جۇزەگە اسىراتىن بولادى. جىل سوڭىنا دەيىن جەردىڭ نىسانالى ماقساتتارىن اۋىستىرىپ، قۇجاتتارمەن اينالىسادى. ال فابريكا 2025 -جىلى قولدانىسقا ەنەدى، - دەيدى اۋدان باسشىسى.

جوبانى جۇزەگە اسىرۋدىڭ ناتيجەسىندە اتالعان وڭىردە 250 جۇمىس ورنى پايدا بولادى. ايىنا 80 كەلى التىن ءوندىرىلىپ، قۇيما رەتىندە شىعارىلادى.

جالپى كەلەر جىلى باياناۋىل اۋدانىندا جالپى قۇنى 3,7 ميلليارد تەڭگە سوماسىنا ەكى ينۆەستيتسيالىق جوبا ومىرشەڭ ەتىلەدى. ونىڭ ءبىرى - تۇيە فەرماسى بولسا، ەكىنشىسى سۋارمالى ۋچاسكە قۇرۋ.

ەسكە سالا كەتەيىك، مايقايىڭ التىن كەنىشىندە قوس قۇتقارۋشىنى ىزدەۋ جۇمىستارى قايتا جاندانعان بولاتىن.

اۆتور

مۇرات اياعان