باياناۋىلدا اۆتوبۋس قۇلاعان ويىققا اۋىر تەحنيكا ءتۇسىرىلىپ، ىزدەۋ جۇمىسى جەڭىلدەي ءتۇستى

майқайың
Фото: виеодан алынған кадр

مايقايىڭ التىن كەنىشىندەگى ادامدارى بار اۆتوبۋس قۇلاپ كەتكەن ويىققا اۋىر تەحنيكا ءتۇسىرىلىپ، ىزدەستىرۋ جۇمىستارى جەڭىلدەي ءتۇستى، دەپ حابارلايدى Kazinform.

وقيعا ورنىندا قۇرىلعان جەدەل شتابتىڭ شەشىمى بويىنشا كەشە كەشكىلىك ويىق تۇبىنە تەحنيكا كىرگىزۋ ءۇشىن جارىلىس جۇمىستارى جۇرگىزىلگەن.

ناتيجەسىندە ويىق تۇبىنە جول سالىنىپ، اۋىر تەحنيكا ءتۇسىرىلدى. قازىرگى كۇنى ىزدەۋ-قۇتقارۋ جۇمىسى قارقىندى ءجۇرىپ جاتىر.

ەڭ باستىسى، اۆاريالىق-قۇتقارۋ جۇمىسىنا جۇمىلدىرىلعان ادامداردى توپىراق باسىپ قالادى دەگەن قاۋىپ جوق. توپىراق سۋسىعانىن قويدى.

جەر استىنا ءتۇسىپ كەتكەن اۆتوبۋس جۇرگىزۋشىسى مەن ءبىر قۇتقارۋشى بۇگىن تابىلادى دەگەن ءۇمىت باسىم.

كەشە تۇستەن كەيىن مايقايىڭ كەنىشىندەگى ويىققا اۋىر تەحنيكا ءتۇسۋ ءۇشىن جول توسەلىپ جاتقانىن حابارلاعان بولاتىنبىز.

ەسكە سالا كەتەيىك، 4-قاڭتاردا «مايقايىڭ التىن» كەن ورنىندا ۇلكەن ويىق ماڭىندا توپىراق وپىرىلىپ، 4 ادام مىنگەن اۆتوبۋس جەردىڭ استىنا ءتۇسىپ كەتكەن بولاتىن.

كەيىن وقيعا ورنىنان ەكى ادامنىڭ دەنەسى تابىلدى.

كەشكىسىن تابىلعانداردىڭ كىم ەكەنى بەلگىلى بولدى.

باياناۋىلدا كەن ورنىندا كوز جۇمعان جانە ءىز- ءتۇزسىز كەتكەندەردىڭ وتباسىنا 4,5 ميلليون

تەڭگەدەن بەرىلەدى.

ال قازا تاپقانداردى جەرلەۋ راسىمىنە 2 ميلليون تەڭگەدەن ءبولىندى.

التىن كەنىشىندەگى قايعىلى جاعدايعا بايلانىستى پوليتسيا سوتقا دەيىنگى تەرگەۋدى باستادى.

اۆتور

مۇرات اياعان

سوڭعى جاڭالىقتار