باياناۋىلدا جول جاعالاي جۇگىرگەن ارقار كادرعا ءتۇسىپ قالدى
پاۆلودار. KAZINFORM - باياناۋىل مەملەكەتتىك ۇلتتىق تابيعي پاركى اۋماعىندا سيرەك كەزدەسەتىن جانۋار - ارقار كامەراعا ىلىكتى. جانۋاردىڭ جول جاعالاي جۇگىرىپ، ەرەكشە مىنەز- قۇلىق تانىتقانى جەلى قولدانۋشىلارىنىڭ قىزۋ تالقىسىنا تۇسۋدە.
ارقار - ەلىمىزدىڭ «قىزىل كىتابىنا» ەنگەن جابايى جانۋار. پاۆلودار وبلىسىندا ولاردىڭ سانىنىڭ ارتا ءتۇسۋى كوڭىل قۋانتادى. ادەتتە ارقارلار ادامداردان الىس، بيىك تاۋلاردىڭ قويناۋىندا جۇرەدى جانە كامەرا وبەكتيۆىنە سيرەك تۇسەدى.
بۇل جولعى قىزىق كورىنىس باياناۋىل ۇلتتىق پاركىنىڭ اۋماعىندا تۇسىرىلگەن. جەرگىلىكتى بلوگەر امان جۇسىپبايەۆ جانۋاردىڭ جول جيەگىندەگى تور قورشاۋدى جاعالاي جۇگىرگەنىن كادرعا ىلىكتىردى.
- ۇلتتىق تابيعي پارك اۋماعىندا جول ۇستىندە كۇتپەگەن جەردەن ارقاردى كەزدەستىرىپ، وسى ەرەكشە ءساتتى ۆيدەوعا ءتۇسىرۋ باقىتى بۇيىردى، - دەپ جازدى بلوگەر.
ۇلتتىق پارك ماماندارىنىڭ ايتۋىنشا، باياناۋىل وڭىرىندە 800-گە جۋىق ارقار بار. ولار ۇنەمى تاۋلى ايماقتاردا تىرشىلىك ەتىپ، تاۋ شىڭدارىندا جايىلادى. ارقارلاردىڭ كۇيلەۋ كەزەڭى قازان-قاراشا ايلارىندا وتەدى. بۇل ۋاقىتتا اتالىقتارى مەن انالىقتارى بىرگە جايىلادى. ال باسقا مەزگىلدەردە اتالىقتارى بولەك جۇرەدى.
ەسكە سالا كەتەيىك، باياناۋىل ورماندارىندا العاش رەت قۇنۋ كوزگە ءتۇستى.
