باتىس قازاقستاندا اۋىل ىشىنە قاسقىر كىرىپ كەتكەن
ورال. KAZINFORM - باتىس قازاقستان وبلىسى كازتالوۆ اۋدانىندا اۋىل ىشىنە قاسقىر كىرىپ كەتكەن.
الەۋمەتتىك جەلىدە تارالعان بەينەجازبادا ءمالىم بولعانىنداي، قاسقىردى اۋىل ادامدارى اۆتوكولىكپەن تاپتاپ ولتىرگەن.
كازتالوۆ اۋدانى اكىمدىگى وقيعانىڭ 10 -جەلتوقسان كۇنى ءاجىباي اۋىلىندا بولعانىن راستادى.
- قاسقىردى اۋىل تۇرعىندارى ءوز كۇشىمەن زالالسىزداندىرعان. ۆەتەريناريالىق ستانسيا وكىلدەرى ءتۇز تاعىسىنىڭ دەنەسىن جويۋ جۇمىستارىن جۇرگىزگەن. قاسقىردىڭ باسى وبلىستىق ۆەتەريناريالىق زەرتحاناعا جولداندى. اۋىلدا جاعداي تۇراقتى، - دەپ حابارلادى ۆەدومستۆودان.
كورشىلەس بوكەي ورداسى اۋدانى ءبورلى اۋىلىندا تۇراتىن «سيسەنعاليەۆ ر. ا. » شارۋا قوجالىعىنىڭ باسشىسى يساتاي سيسەنعاليەۆ سوڭعى كەزدە قاسقىردىڭ مالعا شابۋى جيىلەگەنىن جەتكىزدى.
- قازىرگى كەزدە ءيت-قۇس كۇندە مالدى جەپ نە تارتىپ كەتىپ جاتىر. قاسقىردان زيانعا قالعان تۇرعىندار ءالسىن-ءالسىن حابارلاسادى. مۇنىڭ ءبارى - ءبورىنىڭ كوبەيىپ كەتۋىنىڭ كەسىرىنەن، - دەدى Kazinform تىلشىسىنە ي. سەيسەنعاليەۆ.
ەسكە سالا كەتەيىك، بۇدان بۇرىن باتىس قازاقستاندا شارۋالار مال قىستاعىنا قانشالىقتى دايىن ەكەندىگىن جازعان بولاتىنبىز.
عايساعالي سەيتاق
اۆتور
