باتىس قازاقستاندا 7 مىڭ ادام سالىق دەكلاراتسياسىن تاپسىرماعان

ورال. KAZINFORM - باتىس قازاقستان وبلىسىندا سالىق دەكلاراتسياسىن تاپسىرماعان ادامدارعا بانك ەسەپشوتتارى بويىنشا وپەراتسيالار جۇرگىزۋ توقتاتىلادى.

ب ق و بويىنشا مەملەكەتتىك كىرىستەر دەپارتامەنتىنەن ءمالىم ەتكەنىندەي، جىل باسىنان بەرى وبلىستا جالپىعا بىردەي دەكلاراتسيالاۋدىڭ ءۇشىنشى كەزەڭى اياسىندا 64 مىڭنان استام ادام (زاڭدى تۇلعالاردىڭ باسشىلارى، قۇرىلتايشىلارى مەن قاتىسۋشىلارى، جەكە كاسىپكەرلەر، سونداي-اق ولاردىڭ جۇبايلارى) اكتيۆتەر مەن مىندەتتەمەلەر تۋرالى دەكلاراتسيا تاپسىرعان.

«دەكلاراتسيا تاپسىرۋ مەرزىمى 16- قىركۇيەكتە اياقتالدى. 5 -قاراشاداعى مالىمەت بويىنشا وبلىستا 7 مىڭ ادام دەكلاراتسيا تاپسىرماعان. ولارعا سالىق زاڭناماسىنا سايكەس سالىقتىق ەسەپتى مەرزىمىندە تاپسىرماعانى جونىندە حابارلامالار جىبەرىلدى. مۇنداي سالىق تولەۋشىلەر حابارلاما العان ساتتەن باستاپ 30 جۇمىس كۇنى ىشىندە دەكلاراتسيانى تاپسىرۋى نەمەسە سونىڭ سەبەبىن ءتۇسىندىرۋى ءتيىس. دەكلاراتسيا تاپسىرماعاندارعا سالىق كودەكسىنىڭ 118-بابى 1-تارماعىنا سايكەس بانكىلىك ەسەپشوتتار بويىنشا شىعىس وپەراتسيالارىن توقتاتۋ جونىندە شارالار قولدانىلادى. ادامدار سالىق تولەۋشىنىڭ كابينەتىن (cabinet.salyk.kz)، «ەلەكتروندى ۇكىمەت» (egov.kz) پورتالىن جانە «е-Salyq Azamat», «eGov mobile», Kaspi.kz, Halyk, Вcc.kz.кз موبيلدىك قوسىمشالارىن پايدالانا وتىرىپ، دەكلاراتسيانى ەلەكتروندى تۇردە تاپسىرا الادى»، - دەپ حابارلادى ۆەدومستۆودان.

اۆتور

عايساعالي سەيتاق