باس پروكۋراتۋرا سوت تورەلىگىنەن جاسىرىنعان ادامداردى ىزدەستىرۋدى كۇشەيتتى
استانا. KAZINFORM - بۇدان بىلاي پروكۋرورلار حالىق كوپ شوعىرلاناتىن جەرلەردە بەينەباقىلاۋ كامەرالارىنا وزدەرى مونيتورينگ جاسايتىن بولدى. بۇل تۋرالى باس پروكۋرور بەرىك اسىلوۆ الەۋمەتتىك جەلىدەگى پاراقشاسىنا جازدى.
«باس پروكۋراتۋرا سوت تورەلىگىنەن جاسىرىنعان ادامداردى ىزدەستىرۋ بارىسىنا قاداعالاۋدى كۇشەيتتى. پروكۋرورلار اعىمداعى جىلى حالىق كوپ شوعىرلاناتىن جەرلەردە بەينەباقىلاۋ كامەرالارىنا وزدەرى مونيتورينگ جاساۋ ارقىلى 53 قاشقىندى تانىپ، ۇستاۋ شارالارىن قابىلدادى»، - دەلىنگەن حابارلامادا.
باس پروكۋراتۋرا 2024 -جىلدىڭ ءبىرىنشى جارتى جىلدىعىندا اتقارىلعان جۇمىستارعا قورىتىندى جاساپ، پروكۋراتۋرا ورگاندارىنىڭ زاڭدىلىقتى ساقتاۋ، قۇقىق ءتارتىبىن قامتاماسىز ەتۋ جانە قىلمىستىلىقپەن كۇرەس بويىنشا قاداعالاۋ قىزمەتىنىڭ ناتيجەلەرىن جاريالاعانىن جازعان بولاتىنبىز.
جىل باسىنان بەرى باس پروكۋروردىڭ ارالاسۋىمەن 4 ادام اقتالدى.
پروكۋرورلار سوتتاعى ءسوزىن دايىنداۋ ءۇشىن جاساندى ينتەللەكت تەحنولوگياسىن قولدانباقشى.
باس پروكۋراتۋرا سوت تورەلىگىنەن جاسىرىنعان ادامداردى ىزدەستىرۋ بارىسىنا قاداعالاۋدى كۇشەيتتى. پروكۋرورلار اعىمداعى جىلى حالىق كوپ شوعىرلاناتىن جەرلەردە بەينەباقىلاۋ كامەرالارىنا وزدەرى مونيتورينگ جاساۋ ارقىلى 53 قاشقىندى تانىپ، ۇستاۋ شارالارىن قابىلدادى.
اۆتور
باقىتگۇل اباي قىزى
