باقىتجان ساعىنتايەۆ بۇگىننەن باستاپ جاڭا قىزمەتكە كىرىستى

الماتى. قازاقپارات - 1-اقپاننان باستاپ باقىتجان ساعىنتايەۆ ەۋرازيالىق ەكونوميكالىق كوميسسيا القاسىنىڭ ءتوراعاسى قىزمەتىنە كىرىستى.

«باقىتجان ءابدىر ۇلى ساعىنتايەۆتىڭ مەملەكەتتىك جانە حالىقارالىق قىزمەتتە تاجىريبەسى مول. 2022 -جىلدىڭ 1-ماۋسىمىنان باستاپ ەۋرازيالىق ەكونوميكالىق كوميسسيانىڭ ەكونوميكا جانە قارجى ساياساتى جونىندەگى القا مۇشەسى (مينيستر) بولىپ جۇمىس ىستەدى. ال بۇعان دەيىن ول قازاقستاندا ءبىرقاتار جوعارى مەملەكەتتىك قىزمەت اتقارعان، ونىڭ ىشىندە 2016-2019 -جىلدار ارالىعىندا قازاقستان رەسپۋبليكاسىنىڭ پرەمەر-ءمينيسترى بولعان. «قۇرمەت» (2008)، «پاراسات» (2013)، جوعارى دارەجەلى «بارىس» (2021) وردەندەرىمەن ماراپاتتالعان»، - دەلىنگەن ە ە ك حابارلاماسىندا.

كوميسسيانىڭ باسپا ءسوز قىزمەتى مالىمەتىنشە، 1-اقپاندا سانكت- پەتەربۋرگتە 25-جەلتوقساندا جوعارى ەۋرازيالىق ەكونوميكالىق كەڭەستىڭ وتىرىسىندا ەۋرازيالىق ەكونوميكالىق وداق مەملەكەتتەرىنىڭ باسشىلارى بەكىتكەن ەۋرازيالىق ەكونوميكالىق كوميسسيا القاسىنىڭ جاڭا قۇرامى جۇمىسقا كىرىستى.

«بۇگىننەن باستاپ ە ە ك القاسىنىڭ ءتوراعاسى - قازاقستان رەسپۋبليكاسىنىڭ وكىلى باقىتجان ساعىنتايەۆ»، - دەلىنگەن حابارلامادا.

اۆتور

الما مۇقانوۆا