باقشاسىندا قاراسورا وسىرگەن تاراز تۇرعىنى ۇستالدى
تاراز. قازاقپارات - 44 جاستاعى تاراز تۇرعىنىنا قاتىستى قۇرامىندا ەسىرتكى زاتتارى بار تىيىم سالىنعان وسىمدىكتەردى زاڭسىز ءوسىرۋ دەرەگى بويىنشا سوتقا دەيىنگى تەرگەۋ امالدارى باستالدى.
كۇدىكتىنى «قاراسورا-2024» جەدەل- الدىن الۋ ءىس-شاراسىن وتكىزۋ بارىسىندا ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى قۇرىقتادى.
سونداي-اق سارايدان «كەپتىرىلگەن ماريحۋانا» ەسىرتكى زاتى بار پوليەتيلەن پاكەت جانە كەپتىرۋ ءۇشىن كەسىپ دايىنداپ قويعان 90 ءتۇپ قاراسورا بۇتاسى تابىلدى. باقشادان تاعى 8 دانا ءوسىپ تۇرعان قاراسورا بۇتالارى تابىلدى. الىنعان ەسىرتكى زاتىنىڭ جالپى سالماعى 44 كەلى 800 گرامدى قۇرادى.
«ەر ادام قاراسورانىڭ بۇتالارىن ءوسىرىپ، كەپتىرىپ، پاكەتتەرگە وراپ قويعان. ۇستالعان ادام ناركولوگيالىق ديسپانسەردە ەسەپتە تۇرادى. بۇرىن سوتتى بولعان. ول ءوز كىناسىن تولىق مويىندادى. قازىرگى ۋاقىتتا تەرگەۋ امالدارى جۇرگىزىلۋدە»، - دەيدى پ د ەسىرتكى قىلمىسىنا قارسى ءىس- قيمىل باسقارماسى باستىعىنىڭ مىندەتىن اتقارۋشى اسقار جۇمابەكوۆ.
ايتا كەتسەك، بۇعان دەيىن استانا قالاسىندا جىل باسىنان 578 كەلى ەسىرتكى تاركىلەنگەنىن جازعان بولاتىنبىز.
