بالانى مازاق قىلۋدىڭ سالدارى اۋىر بولادى

استانا. قازاقپارات - وزگەلەر ءجيى مازاقتاپ، جابىر كورسەتەتىن بالالاردىڭ بويىندا سەبەبى بەيمالىم اۋرۋلار بايقالادى. عالىمداردىڭ ايتۋىنشا، مۇندايدان بالانىڭ ۇنەمى باسى اۋىرىپ، تىنىس الۋى قيىنداۋى مۇمكىن.

Мeddaily.ru-دىڭ حابارلاۋىنشا، يتاليانىڭ پادۋيا ۋنيۆەرسيتەتىنىڭ عالىمدارى 14 مەملەكەتتەگى 220 مىڭ بالانىڭ مالىمەتىن قامتيتىن 30 زەرتتەۋ جۇمىسىنا تالداۋ جاساعان.

سونىڭ ناتيجەسىندە مازاق پەن جابىردىڭ قۇربانى بولعان بالالاردىڭ بويىنان سەبەبى تۇسىنىكسىز اۋرۋ بەلگىلەرىنىڭ ەكى ەسە كوپ بايقالاتىنى راستالدى.

قورلانعان بالانىڭ اياقاستىنان باسى، ءىشى، ارقاسى اۋىرۋى مۇمكىن، تىنىسى تارىلىپ، قۇساتىندار دا بار.

بالالاردا بولاتىن پسيحوسوماتيكالىق اۋرۋلار تۋرالى ۇلى بريتانيانىڭ ۋوريك ۋنيۆەرسيتەتى مەن ا ق ش-تىڭ ديۋك ۋنيۆەرسيتەتى ماماندارى دا زەرتتەگەن.

ولاردىڭ ايتۋىنشا، بالا كەزىندە ءجيى جابىرلەنگەندەر ەسەيگەندە قاتەرلى دەرتتەردەن وزگەلەرگە قاراعاندا التى ەسە زارداپ شەگەدى.