بالالاردىڭ شوتىنا اقشا اۋدارۋ ۇلتتىق قور اقشاسىن 1 پايىز تومەندەتكەن

استانا. KAZINFORM - «ۇلتتىق قور - بالالارعا» جوباسى اياسىندا بالا شوتىنا اقشا اۋدارۋ ۇلتتىق قور اقشاسىن 1 پايىز تومەندەتكەن. ۇكىمەت وتىرىسىندا ۇلتتىق بانك باسقارما ءتوراعاسىنىڭ ورىنباسارى اقىلجان بايماعامبەتوۆ وسىنداي دەرەك كەلتىردى.

«ۇلتتىق بانكتىڭ التىن- ۆاليۋتا رەزەرۆتەرى جىل باسىنان 36,7 ميلليارد دوللارعا دەيىن، %1,9 ۇلعايدى. ۇلتتىق بانكتىڭ ۆاليۋتالىق شوتتارىندا ەكىنشى دەڭگەيلى بانكتەردىڭ قاراجاتىنان مول قالدىق قالعان ەدى، بۇل - سوعان بايلانىستى.

ۇلتتىق قوردىڭ اكتيۆتەرى جىل باسىنان %1 تومەندەپ، 59,4 ميلليارد ا ق ش دوللارىن قۇرادى. بۇل تومەندەۋ «ۇلتتىق قور - بالالارعا» باعدارلاماسى بويىنشا مىندەتتەمەلەردى ەسەپتەۋگە بايلانىستى»، - دەدى ول.

ۇلتتىق بانك باسشىسىنىڭ ورىنباسارى ۇلتتىق قوردىڭ قاڭتار ايىنداعى ينۆەستيتسيالىق تابىسى 18110 ميلليون دوللار بولعانىن ايتتى.

«قاڭتار ايىندا ۇلتتىق قورعا تۇسكەن قاراجات 472 ميلليارد تەڭگە بولدى. ونىڭ ىشىندە 31 ميلليارد تەڭگە - ۇلتتىق ۆاليۋتادا. ۇلتتىق قوردان رەسپۋبليكالىق بيۋدجەتكە بەرىلەتىن ترانسفەرتتەر كولەمى 600 ميلليارد تەڭگە بولدى»، - دەدى اقىلجان بايماعامبەتوۆ.

اۆتور

ەسىمجان ناقتىباي