بالالار تۋرالى دەرەكتەر ءبىرىڭعاي سيفرلىق پلاتفورمادا جيناقتالادى
استانا. KAZINFORM - وقۋ-اعارتۋ مينيسترلىگىنىڭ بالالاردىڭ قۇقىقتارىن قورعاۋ كوميتەتى 2026-2030 -جىلدارعا ارنالعان «قازاقستان بالالارى» تۇجىرىمداماسى اياسىندا «Balazhan» مەملەكەتتىك سيفرلىق پلاتفورماسىن ەنگىزىپ جاتىر.
پلاتفورمانىڭ نەگىزگى ماقساتى - ەرەكشە نازار اۋدارۋدى قاجەت ەتەتىن بالالاردى ەرتە انىقتاپ، ولارعا قاجەتتى كومەكتى ۋاقتىلى ۇيىمداستىرۋ.
«Balazhan» بالالار مەن ولاردىڭ وتباسىلارى تۋرالى اقپارات جيناۋعا قاتىستى جاڭا تالاپتار ەنگىزبەيدى. بۇعان دەيىن پەداگوگتەر قاعاز قۇجاتتاردا جانە ءارتۇرلى اقپاراتتىق جۇيەلەردە جۇرگىزىپ كەلگەن مالىمەتتەر ەندى ءبىرىڭعاي سيفرلىق پلاتفورمادا جيناقتالادى.
باستاپقى مالىمەتتەر پلاتفورماعا ءبىر رەت ەنگىزىلىپ، كەيىن تەك قاجەتتىلىگىنە قاراي جاڭارتىلادى. بۇل قۇجات اينالىمىن ازايتىپ، پەداگوگتەردىڭ جۇمىسىن جەڭىلدەتۋگە جانە ماماندار اراسىنداعى ءوزارا ءىس- قيمىلدى جاقسارتۋعا مۇمكىندىك بەرەدى.
«Balazhan» ۇلتتىق ءبىلىم بەرۋ دەرەكتەر قورىنىڭ مودۋلى بولىپ تابىلادى. بالالاردىڭ دەربەس دەرەكتەرىنىڭ قورعالۋى زاڭناما تالاپتارىنا سايكەس قامتاماسىز ەتىلەدى.
جاڭا جۇيە قولداۋدى قاجەت ەتەتىن بالالاردى ۇزدىكسىز سۇيەمەلدەۋگە جانە ولارعا كورسەتىلەتىن كومەكتىڭ تيىمدىلىگىن ارتتىرۋعا باعىتتالعان.
ايتا كەتەلىك ەلىمىزدە قانشا پەداگوگ جۇمىس ىستەيتىنى تۋرالى جازعان ەدىك.
