بالاعا ۇلتتىق قوردان اۋدارىلعان 100 دوللار تۋرالى: بۇل تەك العاشقى ەسەپتەۋ
استانا. KAZINFORM - ءبىرىڭعاي جيناقتاۋشى زەينەتاقى قورى «ۇلتتىق قور - بالالارعا» جوباسى بويىنشا بالا شوتىنا ءتۇسىپ جاتقان سوما تۋرالى تۇسىنىك بەردى.
«ۇلتتىق قور - بالالارعا» باعدارلاماسى بويىنشا العاشقى نىسانالى تالاپتار مەن نىسانالى جيناقتار ءتۇستى.
«ۇلتتىق قور- بالالارعا» باعدارلاماسى بويىنشا ءبىرىڭعاي جيناقتاۋشى زەينەتاقى قورعا العاشقى نىسانالى تالاپتار (18 جاسقا دەيىنگى بالالارعا) ەسەپتەلىنىپ، نىسانالى جيناقتاۋ شوتتارىنا العاشقى نىسانالى جيناقتار (2024-جىلى 18 جاسقا تولاتىن بالالارعا) ءتۇستى. 2024-جىلدىڭ 1-قاڭتارىنان باستاپ باعدارلاماعا 2023-جىلدىڭ سوڭىنداعى جاعداي بويىنشا كامەلەتكە تولماعان، قازاقستان ازاماتى بولىپ ەسەپتەلەتىن بارلىق بالالار قاتىسۋشى رەتىندە تىركەلدى»، - دەپ جازىلعان قوردىڭ رەسمي سايتىندا.
رەسمي مالىمەت بويىنشا، باعدارلاماعا قاتىسۋشىلاردىڭ جالپى سانى - 6919131 بالا (قوسا العاندا، 01.01.2006 ج. باستاپ 31.12.2023 ج. دەيىن تۋىلعان بالالار). ونىڭ ىشىندە 304815 قاتىسۋشى 2024 -جىلى 18 جاسقا تولادى (قوسا العاندا، 01.01.2006 ج. باستاپ 31.12.2006 ج. دەيىن تۋىلعان بالالار).
«ولاردىڭ بارلىعىنا وتكەن جىل ءۇشىن قازاقستاننىڭ ۇلتتىق قورىنان 100 ا ق ش دوللارى جانە 52 سەنتى مولشەرىندە بىردەي سوما ەسەپتەلدى. بۇل تەك العاشقى ەسەپتەۋلەر ەكەنىن ءتۇسىنۋ ماڭىزدى! جىل سايىن بۇل سوما ۇلتتىق قور اكتيۆتەرىنىڭ ءوسۋى جانە ينۆەستيتسيالىق كىرىس الۋ ەسەبىنەن ۇلعايىپ وتىرادى. بۇدان بولەك، ەسەپتەلگەن قاراجات ۇلتتىق قوردىڭ ۆاليۋتالىق اكتيۆتەرىنىڭ قۇرامىندا ينۆەستيتسيالانۋىن جالعاستىرادى جانە باعدارلاماعا قاتىسۋشى بالالارعا ولار 18 جاسقا تولعانعا دەيىن قوسىمشا ينۆەستيتسيالىق كىرىس اكەلەدى»، - دەلىنگەن ب ج ز ق مالىمەتىندە.
ال 18 جاسقا 2024 -جىلى تولاتىن بالالارعا اتالعان سوما ولاردىڭ ب ج ز ق- دا اۆتوماتتى تۇردە اشىلعان نىسانالى جيناقتاۋ شوتتارىنا ءتۇسۋى كەرەك. ولار بيىلدان باستاپ جيناقتارىن تۇرعىن ۇيگە نەمەسە ءبىلىم الۋعا كامەلەتكە تولعاننان كەيىن بىردەن پايدالانۋعا قۇقىلى.
نىسانالى جيناقتاردى كامەلەتكە تولعان ازامات enpf.kz سايتىنداعى ءوزىنىڭ جەكە كابينەتىندە، ب ج ز ق- نىڭ ۇيالى قوسىمشاسىندا نەمەسە egov.kz پورتالىندا ءوز بەتىنشە تەكسەرە الادى.
اۆتور
ەسىمجان ناقتىباي
