بالا قاي جاستا شەت ءتىلىن تەز مەڭگەرىپ الادى؟
استانا. قازاقپارات - زەرتتەۋ بارىسىندا انىقتالعانداي، بالا 2-4 جاس ارالىعىندا جاڭا ءتىلدى تەز مەڭگەرىپ كەتە الادى، دەپ حابارلايدى meddaily.ru سايتىنان.
ءدال وسى جاس ارالىعىندا بالانىڭ ميى قارقىندى داميتىن كورىنەدى.
رود-ايلەند شتاتىنداعى براۋن ۋنيۆەرسيتەتىنىڭ عالىمدارى ءبىر جاستان التى جاسقا دەيىنگى 108 بالانىڭ باس ميىن زەرتتەگەن. زەرتتەۋ بارىسىندا بالا تۋعاننان كەيىن قالىپتاسا باستايتىن ميەلين قابىقشاسى باستى نىسانعا الىندى.
عالىمداردىڭ بولجاۋىنشا، ميەلين قابىقشاسى ءتورت جاستا قالىپتاسىپ بولادى. وسىعان سايكەس ميدىڭ اقپاراتتى قابىلداۋى ءتورت جاسقا دەيىن ەكەن.
سوندىقتان دا وسى جاس ارالىعىندا ەكى ءتىلدى ورتادا وسكەن بالالار ەكى ءتىلدى دە تەز مەڭگەرىپ كەتە الادى، سەبەبى وسى جاستا بالالاردىڭ ميى قارقىندى داميدى. 12 ايلىق بالالاردىڭ سوزدىك قورىندا 50 ءسوز بولسا، 6 جاسقا كەلگەندە ول 5 مىڭ سوزگە دەيىن تولىعادى ەكەن.
