ب ۇ ۇ: سيريانىڭ جەر تۇتاستىعى ساقتالۋى كەرەك

استانا. قازاقپارات - بىرىككەن ۇلتتار ۇيىمى سيريانىڭ جەر تۇتاستىعىن بۇزاتىن كەز كەلگەن ارەكەتكە قارسى. بۇل تۋرالى حالىقارالىق قاۋىمداستىقتىڭ رەسمي وكىلى ستەفان ديۋجارريك مالىمدەدى.

ونىڭ ايتۋىنشا، اراب رەسپۋبليكاسى بەتبۇرىستى كەزەڭدە تۇر. وسىنداي سىن ساتتە كورشى ەلدەر ءوز مۇددەسىن عانا ويلاماۋى كەرەك. ساياساتكەر «سيريا بولاشاعىن ءوزى ايقىنداپ، حالىقارالىق قاۋىمداستىق پەن ايماقتاعى باسقا مەملەكەتتەر سيريا حالقىنا تولىق قولداۋ كورسەتىپ، كوپ جىلعا سوزىلعان قاقتىعىستان كەيىنگى ەلدى قالپىنا كەلتىرۋ جۇمىستارىنا بەلسەنە اتسالىسۋى قاجەت» دەيدى.

ستەفان ديۋجارريك، ب ۇ ۇ رەسمي وكىلى:

- ءبىز سيريانىڭ جەر تۇتاستىعىنا قول سۇققان قانداي دا ءبىر ارەكەتكە، كەز كەلگەن شابۋىلعا قارسىمىز. سيريانىڭ ءوز قالىپتاسۋ، دامۋ جولى بار. ەلدەگى بارلىق از توپتار ءوزىن ءبىرتۇتاس ۇلتتىڭ ءبىر بولشەگى رەتىندە سەزىنىپ، قازىرگى وتپەلى كەزەڭدە جۇمىلا جۇمىس ىستەۋگە ءتيىس.

24.kz