ب ۇ ۇ قاۋىپسىزدىك كەڭەسى شۇعىل باس قوسپاق
استانا. قازاقپارات - ب ۇ ۇ قاۋىپسىزدىك كەڭەسى ەستونيانىڭ ءوتىنىشى بويىنشا شۇعىل جيىن وتكىزەدى. بۇعان رەسەي ۇشاقتارىنىڭ ەستونيا اۋە كەڭىستىگىن بۇزۋى سەبەپ. تاللين شيەلەنىستىڭ كۇشەيۋىنىڭ بەلگىسى دەپ سانايدى.
ەستونيا قورعانىس كۇشتەرىنىڭ دەرەگى بويىنشا بىرەر كۇن بۇرىن رەسەيدىڭ 3 بىردەي ميگ-31 جويعىش ۇشاعى فين شىعاناعىنداعى ۆايندلو ارالىنىڭ ماڭىندا كوزگە ءتۇسىپ، ەل اۋماعىندا 12 مينۋت بولعان. ەستونيا رەسەيدىڭ ۋاقىتشا سەنىمدى وكىلىنە نارازىلىق نوتاسىن تاپسىردى. ال كرەمل: «حالىقارالىق اۋە كەڭىستىگىن پايدالانۋ جونىندەگى ەرەجەنى بۇزعانىمىز جوق» - دەپ مالىمدەدى.
سىرتقى ىستەر ءمينيسترى مارگۋس ساحكنانىڭ مالىمەتىنە قاراعاندا، رەسەي ۇشاقتارى ەلدىڭ اۋە كەڭىستىگىن بيىل 4-رەت بۇزىپ وتىر. ەستونيا، ەۋرووداقتى ماسكەۋگە قارسى ەكونوميكالىق جانە ساياسي سانكسيالاردى كۇشەيتۋگە شاقىردى.
24.kz
