ب ق و اكىمى دۋبايدا توپ جارعان كابيرحان تۇلپاردىڭ يەسىن قابىلدادى
ورال. KAZINFORM - باتىس قازاقستان وبلىسىنىڭ اكىمى ناريمان تورەعاليەۆ دۋبايدا توپ جارعان كابيرحان تۇلپاردىڭ يەسى، كاسىپكەر تىلەك مۇحانبەتقاليەۆتى قابىلدادى.
وبلىس باسشىسى تىلەك مۇحانبەتقاليەۆتى ۇزدىك ارعىماق باپتاپ، الەمدىك دودادا جەڭىسكە جەتۋىمەن قۇتتىقتادى.
«بۇل - بارشا قازاقستاننىڭ تابىسى. ەلىمىزدىڭ كوك تۋى كەزەكتى رەت الەمدىك ارەنادا اسقاقتاپ، مەرەيىمىز ۇستەم بولدى. بۇل جەڭىس وڭىرىمىزدە، جالپى ەلىمىزدە ات سپورتىنىڭ دامۋىنا سەرپىن بەرەدى»- دەدى ناريمان تورەعاليەۆ.
تىلەك مۇحانبەتقاليەۆ ايماقتاعى ات سپورتىنىڭ دامۋىنا قولداۋ كورسەتىپ وتىرعانى ءۇشىن وبلىس باسشىلىعىنا العىس ءبىلدىرىپ، بيىل قازاقستاندا وتەتىن دۇنيەجۇزىلىك كوشپەندىلەر ويىنىندا ب ق و اتىنان بايگەگە سايگۇلىك قوسۋعا دايىن ەكەندىگىن جەتكىزدى.
ەسكە سالا كەتەيىك، بۇدان بۇرىن قازاقستاندىق كابيرحاننىڭ دۋبايدا وتكەن جارىستا تاعى دا توپ جارعانىن جازعان بولاتىنبىز.
اۆتور
عايساعالي سەيتاق
