ب ۇ ۇ كۋباعا ەمبارگونى الىپ تاستاۋدى داۋىسقا سالدى
استانا. قازاقپارات - بىرىككەن ۇلتتار ۇيىمىنىڭ باس اسسامبلەياسى ا ق ش- تىڭ كۋباعا قارسى ەمبارگوسىن الىپ تاستاۋدى تالاپ ەتكەن قارار قابىلدادى. قۇجاتتى مۇشە مەملەكەتتەردىڭ 130-ى قولداپ، 17- ءسى قارسى داۋىس بەرگەن جانە 25 ەل قالىس قالعان.
قاراردى كۋبا ءوزى دايىنداعان، ءبىراق مىندەتتەيتىندەي كۇشى جوق، تەك ۇسىنىس سيپاتىندا. وسىنداي قۇجات باس اسسامبلەيادا 1992 -جىلدان بەرى 34- رەت داۋىسقا سالىندى. بىلتىرعى نۇسقانى 165 مەملەكەت جاقتاپ، 7-ەۋى قارسى بولعان ەدى. سوندا كەيىنگى 1 جىلدا ەمبارگونى الىپ تاستاۋدى قولدايتىن ەلدەر سانى 35-كە قىسقارعان.
ا ق ش ەمبارگوسى وسى ەلدىڭ زاڭىمەن بەكىتىلگەن. ول كۋبامەن ساۋدا-ساتتىقتى شەكتەۋگە، اقشا اۋدارىمدارى مەن ساپارلارعا تىيىم سالۋدى كوزدەيدى.
