ب ۇ ۇ باس اسسامبلەياسى سەمەي ءوڭىرىن ساۋىقتىرۋ تۋرالى قاراردى ءبىراۋىزدان قابىلدادى

بىرىككەن ۇلتتار ۇيىمى باس اسسامبلەياسىنىڭ جالپى وتىرىسىندا قازاقستاننىڭ سەمەي وڭىرىندە حالىقتى وڭالتۋ، قورشاعان ورتانى قالپىنا كەلتىرۋ جانە ەكونوميكالىق دامىتۋ ماقساتىنداعى حالىقارالىق ىنتىماقتاستىق جانە ارەكەتتى ۇيلەستىرۋ تۋرالى قارار ءبىراۋىزدان قابىلداندى، دەپ حابارلايدى قازاقپارات.

«بۇل ب ۇ ۇ باس اسسامبلەياسىنىڭ سەمەي وڭىرىنە ارنالعان 11- قارارى. ونىڭ العاشقىسى 1997 -جىلى قابىلداندى. ب ۇ ۇ- عا مۇشە 85 مەملەكەت قاراردىڭ بىرلەسكەن اۆتورلىعىنا قوسىلدى.

سەمەي ءوڭىرى بويىنشا قابىلدانعان قارار - حالىقتىڭ، اسىرەسە جاس بالالار مەن باسقا دا وسال توپتاعى ادامداردىڭ ءومىرى مەن دەنساۋلىعىنا يادرولىق سىناقتاردىڭ ۇزاق مەرزىمدى سالدارىنا حالىقارالىق قوعامداستىقتىڭ الاڭداۋشىلىعىنىڭ كورنەكتى دالەلى»، - دەلىنگەن ق ر سىرتقى ىستەر مينيسترلىگىنىڭ مالىمەتىندە.

مالىمەتكە سۇيەنسەك، قۇجاتتا سەمەي ءوڭىرىنىڭ قاجەتتىلىكتەرىن قاناعاتتاندىرۋ ءۇشىن ىشكى رەسۋرستار بولۋدەگى قازاقستان ۇكىمەتىنىڭ ماڭىزدى ءرولى تۋرالى ايتىلعان. سونداي- اق قارار حالىقارالىق قاۋىمداستىقتى «زارداپ شەككەن حالىقتى ەمدەۋ مەن ولارعا قىزمەت كورسەتۋ ءۇشىن ارنايى باعدارلامالار مەن جوبالاردى ازىرلەۋدە جانە جۇزەگە اسىرۋدا، سونداي- اق سەمەي ءوڭىرىنىڭ ەكونوميكالىق ءوسۋى مەن ورنىقتى دامۋىن قامتاماسىز ەتۋ بويىنشا كۇش- جىگەردە قازاقستانعا كومەك بەرۋگە» شاقىرادى.

اۆتور

ميرا تولەندى قىزى