ب ا ءا- دەگى قىرعىزستاندىقتار جۇرگىزۋشى كۋالىگىن ەمتيحانسىز ايىرباستاي الادى

استانا. KAZINFORM - قىرعىزستان مەن بىرىككەن اراب امىرلىكتەرى اراسىندا 2025 -جىلعى 14 -ساۋىردە قول قويىلعان، جۇرگىزۋشى كۋالىكتەرىن ەمتيحان تاپسىرماي ءوزارا تانۋ جانە ايىرباستاۋ تۋرالى كەلىسىم بۇگىن كۇشىنە ەندى، دەپ حابارلايدى كاۆار.

كولىك قۇرالدارىن جانە جۇرگىزۋشى قۇرامىن تىركەۋ جونىندەگى مەملەكەتتىك اگەنتتىكتىڭ حابارلاۋىنشا، ەندى ب ا ءا- دە زاڭدى تۇراتىن قىرعىز رەسپۋبليكاسىنىڭ ازاماتتارى ۇلتتىق جۇرگىزۋشى كۋالىكتەرىن قوسىمشا وقۋ مەن ەمتيحان تاپسىرماي ب ا ءا كۋالىكتەرىنە ايىرباستاي الادى.

سول سياقتى قىرعىزستاندا جۇرگەن ب ا ءا ازاماتتارىنا دا وسىنداي مۇمكىندىك بەرىلەدى.

بۇل كەلىسىمنىڭ ماقساتى - ازاماتتاردىڭ قوزعالىسىن جەڭىلدەتۋ، ەكى ەلدىڭ مەملەكەتتىك قۇرىلىمدارى اراسىندا سەنىمدى نىعايتۋ جانە كولىك پەن جول قاۋىپسىزدىگى سالاسىندا ىنتىماقتاستىقتى دامىتۋ.

ايىرباستاۋ ءۇشىن قاجەتتى قۇجاتتار:

- ب ا ءا- دەگى قىرعىزستان ازاماتتارى ءۇشىن:

ق ر ازاماتىنىڭ ءتولقۇجاتى؛ 
ب ا ءا- دە تۇرۋعا رۇقساتتىڭ قولدانىستاعى قۇجاتى؛

ۇلتتىق جۇرگىزۋشى كۋالىگى؛
مەديتسينالىق انىقتاما.
- قىرعىزستانداعى ب ا ءا ازاماتتارى ءۇشىن:

ب ا ءا ازاماتىنىڭ ءتولقۇجاتى؛

ق ر- دا تۇرۋعا رۇقسات؛
ۇلتتىق جۇرگىزۋشى كۋالىگى؛
ۋ-083 نىسانىنداعى مەديتسينالىق انىقتاما.
ەسكەرە كەتەتىن جايت ايىرباستاۋ كەزىندە ۇلتتىق جۇرگىزۋشى كۋالىكتەرىنىڭ ءتۇپنۇسقالارى الىنبايدى.