ازەربايجاندا پرەزيدەنتتىكە ۇمىتكەرلەر سانى 17 بولدى

ازەربايجاننىڭ ورتالىق سايلاۋ كوميسسياسى اۆاز تەمىرحاندى 7-اقپاندا وتەتىن كەزەكتەن تىس پرەزيدەنت سايلاۋىنا قاتىسۋعا تاعى ءبىر كانديدات رەتىندە ۇسىنۋدى ماقۇلدادى، دەپ حابارلايدى Kazinform اگەنتتىگىنىڭ مەنشىكتى ءتىلشىسى.

پرەزيدەنتتىككە ۇمىتكەرلەر سانى 17-گە جەتتى.

قازىرگى ۋاقىتتا قول قويۋ پاراقتارىن ۇسىنىپ، بۇكىل قاجەتتى راسىمنەن وتكەن 3 كانديدات رەسمي تىركەلدى.

ولار - قازىرگى پرەزيدەنتى يلحام اليەۆ، ءا ر الەۋمەتتىك زەرتتەۋلەر ورتالىعى باسقارماسىنىڭ ءتوراعاسى زاحيد ورۋدج جانە ءا ر ميللي مەدجليسىنىڭ VI شاقىرىلىم دەپۋتاتى رازي نۋرۋللايەۆ.

قالعان ءوتىنىش بەرۋشىلەر زاڭعا سايكەس ءوز كانديداتۋراسىن تىركەۋ ءۇشىن قاجەتتى شارالاردى قابىلداپ جاتىر.

ءا ر زاڭناماسى بويىنشا 2024 -جىلعى 3-قاڭتاردا كانديداتتاردىڭ ازەربايجاندا كەزەكتەن تىس پرەزيدەنت سايلاۋىن دايىنداۋ جانە وتكىزۋ جونىندەگى كۇنتىزبەلىك جوسپارعا سايكەس بەلگىلى ءبىر ءىس- شارالاردى (ءماتىن دايىنداۋ، بەكىتۋ جانە بيۋللەتەن ءپىشىنى، سانى، ولاردى شىعارۋ تالاپتارى) جۇزەگە اسىرۋ مەرزىمى اياقتالادى.

ازەربايجان پرەزيدەنتى 7 جىل مەرزىمگە سايلانادى.

ەسكە سالا كەتسەك، جاقىندا ەلدىڭ ورتالىق سايلاۋ كوميسسياسى يلحام گەيدار وگلۋ اليەۆتىڭ كانديداتۋراسىن «ەني ازەربايجان» پارتياسىنىڭ اتىنان پرەزيدەنت لاۋازىمىنا ۇمىتكەر رەتىندە تىركەگەن ەدى.

اۆتور

زارينا تۋعانبايەۆا